Jańa qaýly: Qaraǵandy oblysynda túngi klýbtar jumys isteı alady

QARAǴANDY. QazAqparat – Qaraǵandy oblysynda túngi klýbtar demalys kúnderi jumysyn qaıta bastaıdy. Oblystyń bas sanıtarlyq dárigeriniń jańa Qaýlysyna sáıkes klýbtarǵa «Ashyq» jobasynda «jasyl» mártebesi bar kelýshiler kire alady. Sondaı-aq, balalar úıleri men medıtsınalyq-áleýmettik nysandarǵa barý ruqsat etildi, dep habarlaıdy QazAqparat tilshisi.

Jańa Qaýlyǵa sáıkes, oblystaǵy obektiler óz qyzmetin «sary» aımaq úshin bekitilgen ólshemsharttar negizinde júzege asyratyn bolady.

Túngi klýbtar «Ashyq» júıesinde «jasyl» statýsy bar kelýshiler úshin oryn sanyn 70-ten asyrmaı, 50% deıin tolymdylyqpen jumys isteı bastaıdy.

«Ashyq» jobasyna qatysatyn obektiler úshin jumys jáne demalys kúnderi «sary» aımaqta ornalasqan óńirlerde - saǵat 01.00-ge deıin, «Ashyq» jobasynyń kóshbasshylary úshin – saǵat 03.00-ge deıin ruqsat etiledi.

Demalys kúnderi kásiporyndarǵa qyzmetkerleri men kelýshilerde «jasyl» mártebe bolǵan jaǵdaıda (vaktsınatsııa; synamalardy irikteý sátinen bastap 7 táýlikten aspaıtyn teris nátıjesi bar PTR testiń bolýy; KVI-ge qarsy vaktsınatsııaǵa turaqty medıtsınalyq qarsy kórsetilimderdiń bolýy nemese KVI-men aýyryp jazylǵan adamdar sońǵy 3 aı ishinde) jumys isteýge jol beriledi.

Sondaı-aq, sábıler úıleri men balalar úılerine, medıtsınalyq-áleýmettik obektilerdiń patsıentterine (qarttar, múgedekter úıleri, balalar úıleri jáne t.b.) kelýge ruqsat etildi. Kelýshilerde COVID-19-ǵa qarsy vaktsınalaýdyń tolyq kýrsyn alǵany týraly qujat nemese koronavırýsqa PTR-testiniń teris nátıjesi bar anyqtama bolýy qajet.

Osy qaýly qol qoıylǵan kúnnen bastap kúshine enedi.