Jańa qaýly: Qaraǵandy oblysynda karantın shekteýleri jeńildedi

QARAǴANDY. QazAqparat – Qaraǵandy oblysynyń bas sanıtarlyq dárigeriniń jańa qaýlysy shyqty. Atalmysh qujatqa sáıkes birqatar karantın shekteýleri jeńildetiledi, dep habarlaıdy QazAqparat tilshisi.

Koronavırýs ınfektsııamen syrqattanýshylyq deńgeıiniń tómendeýine baılanysty Qaraǵandy oblysynyń Bas memlekettik sanıtarlyq dárigeriniń 2022 jylǵy 21 aqpandaǵy №6 qoldanystaǵy qaýlysyna ózgerister engizý týraly qaýlysy shyǵaryldy, oǵan sáıkes birqatar shekteýlerdi alyp tastaý týraly sheshim qabyldandy:

- qala mańyndaǵy jolaýshylar poıyzdarynyń (elektr poıyzdarynyń) qozǵalysyna jáne jalpy vagondary bar jolaýshylar poıyzdarynyń qozǵalysyna ruqsat etilgen;

- «ASHYQ» qosymshasyndaǵy «sary» mártebe alynyp tastaldy.

Eske sala keteıik, nysandar úshin maska rejımin saqtaý, antıseptıkterdi paıdalaný, turaqty túrde jeldetý jáne áleýmettik qashyqtyq saqtaý sekildi talaptary qalady.

Qaýly 2022 jylǵy 28 aqpan kúni saǵat 00.00-de kúshine enedi.