Jańa qaýly: BQO-da bilim berý mekemesine kelýshiler «Ashyq» qosymshasyna sáıkes kire alady

ORAL. QazAqparat – BQO bas memlekettik sanıtar dárigeriniń 27 tamyzdaǵy jańa qaýlysy shyqty, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti málim etkenindeı, jańa qaýlyǵa sáıkes 2021-2022 oqý jylynda bilim berý uıymdarynda sanıtarlyq- profılaktıkalyq is-sharalar júrgizý tártibi bekitildi.

Jańa oqý jylynda barlyq menshik nysanyndaǵy jáne vedomstvolyq baǵynystaǵy bilim berý uıymdarynda shtattyq sıpatta oqýǵa ruqsat berildi.

Sol sebepti pedagogtar men qyzmetkerler túgeldeı vaktsına alýy tıis.

Bilim berý uıymdaryna kelýshiler «Ashyq» qosymshasy arqyly tirkeledi.

Bilim berý mekemelerinde maska rejımi saqtalyp, retsırkýlıatorlar, sanıtaızerler, teri antıseptıkteri, dezınfektsııalaý jáne jýý quraldarymen qamtamasyz etiledi.

Basqa da sanıtarlyq talaptar qatań saqtalady.

Qaýly búginnen bastap kúshine endi.

Eske sala keteıik, budan buryn BQO-da 200 myńǵa jýyq adamnyń ekpe saldyrǵanyn, sońǵy aptada 20 adamnyń koronavırýstan qaıtys bolǵanyn jazǵan bolatynbyz.

Sondaı-aq BQO-da koronavırýs juqtyrǵan 1700-den astam naýqas ambýlatorlyq em alyp jatyr.