Jańa qaýly: Bankter men poshtanyń jumys ýaqyty uzardy

NUR-SULTAN. QazAqparat – Qazaqstannyń bas sanıtar dárigeriniń jańa qaýlysymen kúndizgi statsıonarda josparly emdelýdiń tártibi beketildi, dep habarlaıdy QazAqparat.

Qaýlyda PTR-testiń 3 táýlikten aspaıtyn teris nátıjesi bar anyqtama nemese COVID-19-ǵa qarsy vaktsınanyń tolyq kýrsyn alǵanyn rastaıtyn qujat usynylǵan jaǵdaıda, bosaný kezinde seriktes bolýǵa ruqsat beriletini aıtylǵan. Sondaı-aq, kúndizgi statsıonarlarǵa qatysty myndaı tártip engizildi: «Patsıentterdi, onyń ishinde júkti áıelderdi, bosanǵan áıelderdi jáne balalardy statsıonarǵa (onyń ishinde kúndizgi statsıonarǵa) josparly emdeýge jatqyzý berilgen kúninen bastap 5 táýlikten aspaıtyn testileý nátıjesi nemese COVID-19-ǵa qarsy vaktsınatsııanyń tolyq kýrsyn alǵanyn rastaıtyn qujat bolǵanda júzege asyrylady», - dep jazylǵan qaýlyda. Sonymen birge bankter, Halyqqa qyzmet kórsetý ortalyqtary, «Qazpochta» AQ bólimsheleriniń jumysy saǵat 9.00-den 18.00-ge deıin bekitildi. Qaýly 2021 jylǵy 5 maýsym saǵat 00.00-den bastap kúshine enedi.