Jańa qaýly: Atyraý oblysynda qoǵamdyq kólikte maska taǵý rejımi saqtalady
Jańa qaýlyǵa sáıkes, Atyraý oblysynyń turǵyndaryna 5 jasqa deıingi balalardy, sondaı-aq, qoǵamdyq tamaqtaný oryndarynda tamaq ishý jaǵdaılaryn qospaǵanda, halyqtyń kelýine, qyzmet kórsetýine jáne demalýyna arnalǵan úı-jaılarda, qoǵamdyq kólikte, COVID-19 koronavırýs ınfektsııasyna uqsas aýrýdyń belgileri (jótel, túshkirý, dene qyzýynyń kóterilýi) bar adamdar medıtsınalyq maskalardy kııý rejımin saqtaý usynylyp otyr.
«Atyraý qalasy jáne aýdandar ákimderi, memlekettik organdar, quqyq qorǵaý jáne arnaıy organdar, menshik nysanyna qaramastan jáne vedomstvolyq baǵynystaǵy bilim berý uıymdary, «Atameken» UKP (kelisý boıynsha), kompanııalar, menshik nysanyna qaramastan zańdy tulǵalar qyzmettiń árbir túri úshin bekitilgen talaptar men algorıtmderdi saqtaýdy, 2021-2022 oqý jylynda barlyq menshik nysanyndaǵy jáne vedomstvolyq baǵynystaǵy bilim berý uıymdarynda oqýdy, «Ashyq» mobıldi qosymshasyn sýbektiniń sheshimi boıynsha erikti túrde qyzmetine shekteý qoımaı paıdalanýdy, otyrǵyzý oryndarynyń sany boıynsha salondardy toltyra otyryp, qarbalas saǵattarda qoǵamdyq kólik sanyn ulǵaıtýdy qamtamasyz etsin. Karantındik jáne shekteý sharalarynyń saqtalýyn baqylaý boıynsha monıtorıngtik toptardyń jumysyn jandandyrsyn», -delingen qujatta.
Sondaı-aq, oblystyq densaýlyq saqtaý basqarmasyna oblys turǵyndary arasynda vaktsınatsııa jáne revaktsınatsııa júrgizý júktelgen.
Jańa qaýly qol qoıylǵan kúnnen bastap zańdy kúshine enedi.
Eske sala ketelik, budan buryn Atyraý oblysynda sońǵy táýlikterde indetten qaıtys bolǵandar tirkelmegenin https://kaz.inform.kz/news/atyrau-oblysynda-songy-taulikterde-indetten-kaytys-bolgandar-tirkelgen-zhok_a3911671 habarlaǵan edik.