Jańa qaýly: Atyraý oblysynda karantın sharalary jeńildeıdi

ATYRAÝ. QazAqparat – Atyraý oblysynda karantınniń shekteý sharalary kezeń-kezeńimen jeńildeıdi, dep habarlaıdy QazAqparat.

Bul týraly Atyraý oblysynyń bas memlekettik sanıtarııa dárigeriniń orynbasary Gúlnaz Irbatyrovanyń jańa qaýlysynda aıtylǵan.

«Ashyq jobasyna qatysýshy barlyq obekti úshin saǵat 00:00-ge deıin, Ashyq jobasynyń kóshbasshylary úshin saǵat 02:00-ge deıin jumys isteýge ruqsat berilsin», - delingen qaýlyda.

Sondaı-aq, Ashyq jobasyna engen nysandar demalys kúnderi saǵat 00:00-ge deıin, qyzmetkerler men kelýshilerde «jasyl mártebe» bolǵan jaǵdaıda (vaktsınatsııa, synama alǵan kezden bastap 7 táýlikten aspaıtyn teris nátıjesi bar PTR test, turaqty medıtsınalyq qarsy kórsetilimderi bar, aýyryp jazylǵan adamdar sońǵy 3 aı ishinde) Ashyq jobasynyń kóshbasshylary túngi saǵat 02:00-ge deıin jumys isteıtin bolady.

Jańa qaýly qol qoıylǵan kúnnen bastap zańdy kúshine enedi.

Eske sala ketelik, budan buryn «sary» aımaqtaǵy Atyraý oblysynda karantın qashan jeńildeıtinin jazǵan edik.