Jańa qaýly: Aqtóbede bazarlardyń jumys ýaqyty qysqardy
Aqtóbe oblysynyń turǵyndary arasynda koronavırýstyq ınfektsııanyń taralýyna jol bermeý maqsatynda karantın shekteýi taǵy kúsheıtildi.
Banket zaldary (meıramhanalar jáne dámhana tıpi boıynsha kelýshilerge qyzmet kórsetý), oblysaralyq jáne qalalyq turaqty emes tasymaldardyń qozǵalysyna, marafondarǵa (ashyq aýada) tyıym salynady.
Bul nysandar «Ashyq» jobasyna qatyssa da, jumys isteı almaıdy.
Sonymen birge ashyq bazarlar (azyq-túlik, mal, azyq-túlik emes), jabyq bazarlar (azyq-túlik jáne azyq-túlik emes) jumys kúnderi saǵat 16:00-ge deıin qyzmet kórsetedi.
Al Ashyq jobasyn engizgender 17:00-ge deıin jumys isteıdi.
«Bankter, HQKO, «Qazpochta» AQ bólimshelerine saǵat 09:00-den 18:00-ge deıin jumys isteýge ruqsat etiledi. «Ashyq» jobasyna sáıkes HQKO-lar saǵat 10:00-den 20:00-ge deıin jumys isteı alady. Meıramhana, dámhana jáne kofehana tıpi boıynsha qoǵamdyq tamaqtaný obektileri jumys kúnderi saǵat 09:0 0-den 18.00-ge deıin, «Ashyq» jobasyna qatysatyn obektilerge jumys kúnderi saǵat 07:00-den 20:00-ge deıin jumys isteýine ruqsat etiledi», - dep jazylǵan oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva qol qoıǵan qaýlyda.
Aıta keteıik, senbi jáne jeksenbi kúnderi ashyq bazarlar (azyq-túlik, mal, azyq-túlik emes), jabyq bazarlar (azyq-túlik jáne azyq-túlik emes), bankter, HQKO, «Qazpochta» AQ bólimsheleri, meıramhana, dámhana jáne kofehana tıpi boıynsha qoǵamdyq tamaqtaný obektileri, jazǵy alańdar, ashana tıpti qoǵamdyq tamaqtaný obektileri, SOO, saýda úıleri, saýda jelileri, monsha, saýna, SPA-ortalyqtar, basseın, jabyq sport obektileri (sport keshenderi, sport mektepteri, sport klýbtary, jattyǵý zaldary), sporttyq-saýyqtyrý ortalyqtaryjánefıtnes klýby, sonyń ishinde ıoga ortalyqtary jumys istemeıdi.