Jańa formaǵa ýaqyt joq, aldymen attestatsııany ótkizip alýymyz qajet - Erlan Turǵymbaev

ASTANA. QazAqparat - QR Іshki ister mınıstri Erlan Turǵymbaev aldaǵy josparlary týraly aıtyp berdi, dep xabarlaıdy QazAqparat tilshisi.

«Qazir bizdiń negizgi maqsatymyz - attestatsııany ótkizý. Osydan keıin qysqartýdyń esebinen jalaqyny kóterýimiz kerek. Sodan keıin formamen aınalysamyz. Biz úshin aldymen polıtseıdiń jaǵdaıyn jasap alý qajet. Jańa formany artynan qaraı beremiz. Eki aıdan keıin attestatsııa bastalady. Oǵan jýrnalısterdi de shaqyramyz. Sol kezde bárin kórsetemiz», - dedi E.Turǵymbaev jýrnalısterge bergen suxbatynda.

Aıta keteıik, Úkimettiń búgingi otyrysynda QR Prezıdenti Nursultan Nazarbaevtyń «Nur Otan» partııasynyń XVIII sezinde bergen tapsyrmalary talqyǵa salyndy.

QR Bilim jáne ǵylym mınıstri Kúlásh Shámshıdınova bilim salasynda 500 myńǵa tarta adamnyń jalaqysyn kóterýdi kózdeıdi.

Budan bólek, jańa mınıstr bilim reformasy týraly aıtty.

Al QR Densaýlyq saqtaý mınıstri Eljan Birtanov 225 myńnan astam medıtsına qyzmetkerleriniń jalaqysy ósedi dep otyr.

Ákimdikte qaı qyzmetkerlerdiń jalaqysy 25 protsentke kóteriletini de aıtyldy.