Jańa formatsııanyń memlekettik qyzmetshisi qandaı bolýy kerek - sarapshy pikiri

ASTANA. QazAqparat -Jańa formatsııanyń memlekettik qyzmetshisi qandaı bolýy kerek. Bul saýalǵa QR Prezıdenti janyndaǵy QSZI-diń Áleýmettik-saıası zertteýler bóliminiń meńgerýshisi Alýa Joldybalına jaýap berdi, dep habarlaıdy QazAqparat tilshisi.

«Jańa formatsııanyń memlekettik qyzmetshileri jańa basqarýshy elıtalarǵa qajetti minezge ıe bolýy tıis. ıAǵnı, olar beıtrıvıaldy jaýapty tańdaý barysynda dıalogqa qabiletti ári daıyn bolýy, komandada, túrli baǵyttaǵy sarapshylarmen yntymaqtastyqta jumys isteı bilýi qajet. Munan bólek, olardyń mádenıeti óte joǵary, otanshyl bolǵandary da jón», - dedi ol QazAqparat tilshisine bergen suhbatynda.

Onyń paıymynsha, jańa basqarýshylar bilimniń túrli salalarynyń maıtalman mamandary bolýlary qajet. Al bul olardyń bir ǵana maman ıesi bolmaýy kerektigin bildiredi.

«Jańa basqarýshylar óńirlik jáne jergilikti deńgeıde ǵana emes sonymen qatar basqarý, strategııa, aqparattardy, qarjylar men adam resýrstaryn basqarý qyzmetterinde, qurylymdyq basqarýda olardyń erekshelikterin eskerip otyrý kerek. Jańa formatsııa basshylary - olar strategııalyq turǵyda keńinen oılaı biletin, kózaqarsy jan-jaqty, eldiń negizgi baǵdarlamalyq qujattarynyń mazmuny men mán-maǵynasyn laıyqty deńgeıde túsinetin, batyl ári standarttan tys ıdeıalardy usyna alatyn qyzmetshiler», - dedi Alýa Joldybalına.

Aıta keteıik, keshe Qazaqstan halqyna kezekti Joldaýyn jarııa etken QR Prezıdenti Nursultan Nazarbaev memlekettik organdar qyzmetiniń tıimdiligin túbegeıli arttyrý máselesine toqtalǵan oblatyn.

«Sapa» - memlekettik qyzmetshi ómiriniń jańa stıli, al ózin-ózi jetildirý - onyń basty qaǵıdaty bolýy tıis. Jańa formatsııanyń memlekettik qyzmetshileri memleket pen qoǵam arasyndaǵy alshaqtyqty qysqartýy kerek. Bul arqyly turaqty keri baılanys ornyǵyp, memlekettik saıasattyń naqty sharalary men nátıjeleri qyzý talqylanyp, jurtshylyqqa túsindiriledi», - dep atap ótken edi Elbasy.

Foto: kisi.kz