Jańa formatsııa jastary jemqorlyq pen nepotızm kórinisterine tózimsiz bolyp keledi - Valıhan Bahretdınov
Táýelsizdik alǵannan keıin týǵan qazaqstandyqtardyń jańa býyny ómirge degen sanaly kózqaraspen, áleýmettik ádilettilik pen adaldyqqa degen umtylyspen erekshelenedi.
Jyldan-jylǵa qazaqstandyq qoǵam qurý protsesine barysyna qatysyp kele jatqan «myńjyldyqtar» býynyn jalpyadamzattyq men iskerlik qatynastardyń zamanaýı qaǵıdattaryn ustaný aıqyndatady.
Bul kóbine ómirdiń barlyq salalarynda, onyń ishinde azamat pen memlekettik ınstıtýttar arasyndaǵy qarym-qatynastyń sapasynda kórinedi, bul - meniń oıymsha, qoǵamdaǵy oń ózgeristerdiń kórsetkishi.
Bir kezderi burynǵy Keńes odaǵy elderinde keń taralǵan materıaldyq baılyqqa qol jetkizý joldaryn joqqa shyǵaratyn gýmanızmniń álemdik tendentsııalaryna ilese otyryp, Qazaqstan laıyqty jas býynyn tárbıeleı alǵanyn atap ótken jón.
Jańa formatsııanyń jastary kúndelikti ómirde sybaılas jemqorlyq pen nepotızmniń kórinisterine synshyl jáne tózimsiz bolyp keledi.
Sybaılas jemqorlyqqa tózimsizdiktiń ómirdiń barlyq salalarynda taraýy álemdik tendentsııa bolyp tabylatyndyǵymen qatar, Qazaqstanda bul úderis memlekettiń keń qoldaýymen qatar júredi.
Mysaly, Qazaqstannyń sybaılas jemqorlyqqa qarsy is-qımyl agenttiginiń «Adaldyq alańy» jobasy - memleket pen azamattyq qoǵamnyń sybaılas jemqorlyqtyń aldyn alýǵa baǵyttalǵan jemisti sınteziniń jarqyn kórinisi.
Sondaı-aq, qazaqstandyq negizgi buqaralyq aqparat quraldarynyń efırinde sybaılas jemqorlyqty ulttyq ál-aýqat pen órkendeýge qaýip retinde nasıhattaý úshin belsendi aqparattyq naýqan júrgizilýde.
Sybaılas jemqorlyqty azaıtýǵa baǵyttalǵan bul sharalardyń barlyǵy barlyq salalardaǵy paraqorlyqtyń aldyn alýǵa aıtarlyqtaı áserin tıgizip, memlekettiq kyzmetter aıasyndaǵy adam faktoryn tómendetýge kómektesetin keńeıtilgen aqparattandyrý saıasatymen birge júredi.
Sonymen, qoryta aıtqanda, Qazaqstannyń azamattyq qoǵamynda, ásirese jastar arasynda sybaılas jemqorlyqqa múldem tózbeýshilik mádenıetin damytý týraly tujyrym joǵaryda keltirilgen ózgeristerde aıtylǵan eleýli áleýmettik negizge ıe.
Bundaı oń dınamıka aldaǵy ýaqytta da óse beretini jáne el men qoǵamnyń damýynda aıqyndalatyny sózsiz.
Bul turǵyda jastardy osy protsestiń negizgi kúshi retinde taný kerek degen senim ózgerissiz qalady.
Valıhan Bahretdınov
Nazarbaev Ýnıversıteti Memlekettik joǵary saıasat mektebiniń memlekettik saıasat magıstri, Prezıdent janyndaǵy jastar saıasaty keńesiniń múshesi