Jańa ekonomıkalyq saıasat álemdik ózgeristerge negizdelip otyrady - Úkimet basshysy

ASTANA. QazAqparat - Jańa ekonomıkalyq saıasat álemdik ózgeristerge negizdelip otyrady. Búgin QR Parlamenti palatalarynyń birlesken otyrysynda QR Úkimetiniń jáne Respýblıkalyq bıýdjettiń atqarylýyn baqylaý jónindegi esep komıtetiniń 2014 jylǵy respýblıkalyq bıýdjettiń atqarylýy týraly esepterin talqylaý barysynda depýtattar saýalyna jaýap bergen Úkimet basshysy Kárim Másimov osylaı málimdedi.

«Bizdiń shyǵystaǵy kórshimiz eń birinshi bolyp «jańa norma» degen uǵym engizdi. Keıin buny kóptegen elder ilip áketti. ıAǵnı, qazir búkil álemdik ekonomıka «jańa normamen» ómir súrip jatyr. Sońǵy on bes jylda biz daǵdylanyp qalǵan resýrstarǵa baǵanyń joǵary dáýiri aıaqtaldy. Qazaqstan da ondaı kezeńde biraz shalqyp ómir súrdi. Endeshe, bul qazirgi ózgerister Úkimettiń jumysynan da jańa qadamdardy talap etedi», - dedi Kárim Másimov. «Bizden jańa ekonomıkalyq saıasat talap etiledi. Biz ony álemdegi ózgerister jaǵdaıyna oraı qalyptastyratyn bolamyz», - dedi Premer Mınıstr.