Jańa ekologııalyq kodeks: Aýany lastaıtyn iri kásiporyndardyń jaýapkershiligi kúsheıtiledi

NUR-SULTAN. QazAqparat – Osy jyldyń jeltoqsan aıynda Parlamentke qaralatyn Jańa ekologııalyq kodeks jobasy qoldanystaǵy zańnamaǵa qandaı ózgeristerdi engizýdi kózdeıdi. Bul jaıly QR Ekologııa, geologııa jáne tabıǵı resýrstar vıtse-mınıstri Ahmetjan Pirimqulov tolyǵyraq aıtyp berdi, dep habarlaıdy QazAqparat tilshisi.

«Bıyl jeltoqsan aıynda Ekologııalyq kodekstiń jobasy Parlament qaraýyna engiziledi. Kodeks jobasyn ázirleýdi 2018 jyldan bastaǵan edik. Búgingi kúni ekologııalyq problemalardy turǵysynan birneshe jańa bastamany atap ótkim keledi. Qaýymdastyqtyń, ónerkásiptik kompanııalardyń jáne basqa da múddeli organdardyń ókilderi kiretin jumys toby qazir joba boıynsha jumys júrgizip jatyr. Jumys toby 2018 jyldyń qyrkúıek aıynda qurylǵan. Jańa Ekologııalyq kodeksti ázirleý kezinde ekologııalyq retteýdiń halyqaralyq tájirıbesi eskerildi. Ekologııalyq zańnamany jetildirýdiń basty baǵyty – «lastaýshy tóleıdi» ekologııalyq qaǵıdatyn iske asyrý», - dedi Ahmetjan Pirimqulov.

Vıtse-mınıstrdiń aıtýynsha, bul baǵyt jappaı ekologııalyq retteýden bas tartýdy kózdeıdi. Tolyp jatqan tabıǵat paıdalanýshyny tártipke shaqyrmaı-aq, iri lastaýshy kásiporyndarǵa kóńil bólinbek. ıAǵnı, bul rette zań jobasyn ázirleý kezinde barlyq iri lastaýshy kásiporyndardy qamtý úshin osy sanatty neǵurlym dál anyqtaý kózdelgen.

«Qoldanystaǵy Ekologııalyq kodeks boıynsha, qorshaǵan ortaǵa keltiriletin zalaldy baǵalaý – kásiporynnyń deńgeıine (1,2,3,4, sanatyna) qaramastan, biryńǵaı tártipte júrgiziledi. Mundaı ádistiń tıimsiz ekenin túsinip otyrmyz. Sondyqtan, jańa Ekologııalyq kodekste mundaı talapty tek «Birinshi sanattaǵylarǵa» qatysty qoldaný usynylyp otyr. ıAǵnı, aýaǵa keltiriletin zııandy zattardyń 80 paıyzyn shyǵaryp otyrǵan eń iri lastaýshy kásiporyndarǵa nazar aýdarylady», - dedi ol.

Vıtse-mınıstr atap ótkendeı, qujattyń jańa jobasynda taza tehnologııaǵa kóshirý maqsatynda birinshi sanattaǵy kásiporyndardyń lastaýshy zattar emıssııasy úshin tólemaqy mólsherlemesin edáýir kóterý usynylyp otyr.