Jańa baǵyt el men memleketke zor paıda ákeledi - Eskendir Sergebaev

TALDYQORǴAN. QazAqparat - Elbasynyń konstıtýtsııalyq reformalar týraly Úndeýi eldi jańǵyrtýǵa baǵyttalǵan mańyzdy qadam dep esepteımin. Bılik tarmaqtarynyń ókilettikteriniń qaıta bólinýi memlekettik basqarý júıesiniń jaqsarýyna yqpalyn tıgizedi. Eger Konstıtýtsııanyń jańa jobasy qabyldanatyn bolsa Qazaqstan jartylaı parlamenttik basqarý júıesine ótpek. Mundaı jańa baǵyt el men memleketke zor paıda ákeledi dep oılaımyn. Bul pikirdi Qapshaǵaı qalasy ákiminiń orynbasary Eskendir Sergebaev bildirdi. 

Onyń paıymynsha, Memleket basshysynyń usynysy qoldaý tapsa, Premerdiń quzyreti kúsheıip, mınıstrlerdi de taǵaıyndaıtyn quqyqqa ıe bolady. Al, ulttyq qaýipsizdik, ishki-syrtqy saıasat ta nazardan tys qalmaq emes. Bul salany baqylaýynda ustaıtyn Elbasy Syrtqy ister men Qorǵanys mınıstrin de ózi taǵaıyndaıdy. ıAǵnı, Úkimet Májilis saılaýynan keıin tegis otstavkaǵa ketedi. Qysqasy, mınıstrler zań shyǵarýshy organǵa esepti bolyp, jumysy jaıynda únemi esep berip otyrady.

«Bul Úndeýdi jetisýlyqtar, sonyń ishinde qapshaǵaılyqtar jaqsy qabyldap, ózderiniń oń baǵasyn berýde. Mundaı jańa ózgerister memlekettiń damýyna, qanatyn keńge jaıyp órkendeýine óz septigin tıgizedi dep tolyq senimmen aıtýǵa bolady», - deıdi E. Sergebaev