Jańa baǵdarlama boıynsha úı qurylystary 2015 jyly bastalady - Senator

ASTANA. QazAqparat - Elbasy N. Nazarbaev «Nurly jol» Joldaýynda aıtyp ótken turǵyn úı salasyndaǵy jańa baǵdarlama boıynsha beriletin páterlerdiń qurylysy 2015 jyly bastalady. Bul týraly Ortalyq kommýnıkatsııalar qyzmetinde QR Parlamenti Senatynyń depýtaty Ashat Kúzekov málim etti.

«Baspana máselesin sheshý maqsatynda Parlamentte «Úleskerlik qurylys týraly» zań jobasy qaralýda. Onda baspana salý kezinde úleskerlerdiń salynǵan qarajattyń retsiz jumsalyp ketýine jol bermeıtin tetikter qarastyrylyp jatyr. Jańa jyldan bastap, turǵyn úılerdi satýdyń jańa tetikteri engiziledi. 2015 jyldyń 1 qańtarynan barlyq óńirde jańa baǵdarlama boıynsha úı qurylystary bastalady», - dep atap ótti senator.

Onyń habarlaýynsha, arendalyq úılerdiń operatory «Qazaqstan ıpotekalyq kompanııasy» AQ bolady. Ol boıynsha qosymsha 1 mln. sharshy metrden astam baspana úlestiriledi.

Eske sala keteıik, QR Prezıdenti N. Nazarbaev «Nurly jol - bolashaqqa bastar jol» atty jańa Joldaýynda páterlerdi 1-2 paıyzdyq ústememen berý jóninde usynys aıtylǵan bolatyn.