Jańa avtomobılderdi synaqtan ótkizetin ortalyq qurylady

<p>Qazaqstanda qurastyrylatyn jáne ımporttalatyn avtomobılderdi sertıfıkattaý úshin tolyqqandy synaq ortalyǵyn qurý máselesi pysyqtalyp jatyr. Bul jaıynda Májilis depýtattarynyń saýalyna Premer-Mınıstrdiń birinshi orynbasary Roman Sklıardyń jaýabynda aıtylǵan, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Qazaqstandyq kásiporyndar eýropalyq sertıfıkattaý ortalyqtarymen birlesip, Qazaqstanda qurastyrylatyn jáne ımporttalatyn avtomobılderdi sertıfıkattaý úshin tolyqqandy synaq ortalyǵyn qurý máselesin qarastyryp jatyr. Synaq ortalyǵyn qurý kólik quraldaryn sertıfıkattaý, jol-polıgon, klımattyq, stendtik jáne basqa da zerthanalyq synaqtardy júzege asyrýdy kózdeıdi», - dedi Roman Sklıar jaýabynda.

Onyń atap ótýinshe, qazirgi ýaqytta osy jobany qarjylandyrý máseleleri pysyqtalyp jatyr.

«Sondaı-aq moratorııdi engizý boıynsha qabyldanǵan is-sharalar sheteldik óndirýshilerdiń daıyn avtokólik quraldary men mashına jıyntyqtaryn Qazaqstan naryǵyna jetkizýdi úzdiksiz júzege asyrýǵa múmkindik bergenin jáne kólik quraldarynyń tapshylyǵynyń týyndaý múmkindigin joqqa shyǵarǵanyn atap ótemiz. Osylaısha, shuǵyl jáne jedel qyzmetterdi shaqyrý júıesimen jabdyqtaý boıynsha moratorııdiń qoldanylýyn toqtatý jónsiz dep sanaımyz», - dedi ol.