Jańa áskerı ataq alý - zor mártebe ári jaýapkershilik - QR Prezıdenti
Bul týraly Aqordanyń baspasóz qyzmetinen habarlady.
Nursultan Nazarbaev jınalǵandardy Otan qorǵaýshy kúnimen jáne Uly Jeńistiń 70 jyldyǵymen quttyqtady.
Qazaqstan Prezıdenti ulttyq armııa el táýelsizdigi men tutastyǵynyń tiregi ekenin atap ótti.
«Sizder minsiz qyzmetterińiz arqyly jas býynǵa patrıottyqtyń úlgisin kórsetesizder, muny memleket joǵary baǵalaıdy. Nagradaǵa usynylǵandar qatarynda Qarýly Kúshtermen birge quqyq qorǵaý salasy men arnaıy organdardyń ókilderi bar. Olardyń negizgi qyzmeti - eldegi tynyshtyqty saqtaý, halyqtyń qaýipsizdigin qamtamasyz etý», - dedi Nursultan Nazarbaev.
Memleket basshysy joǵary áskerı jáne arnaıy ataqtar tapsyrý jaqsy dástúrge aınalǵanyn aıtty.
«Jańa ataq alý, ásirese generaldyq ataq alý - zor mártebe ári jaýapkershilik. Bul - sizderge, sizderdiń tálimgerlerińiz ben qaramaǵyńyzdaǵylarǵa, jaqyndaryńyz ben dostaryńyzǵa degen qurmet. Sizder ómirde osy joldy tańdap, toǵyzdan keshki altyǵa deıingi jumys kúnimen shektelmeıtin erekshe mamandyqty tańdadyńyzdar. Otanǵa qyzmet táýlik boıy qyzmet etý degen uǵymdy bildiredi. Halyq aldyndaǵy boryshyn óteý úshin bar kúshin jumsaý, qajet bolsa, ómirin de qııý - bul sizderdiń mindetterińiz. Sondyqtan sizderdi búgin berilgen ataqtarǵa laıyq dep sanaımyn», - dedi Qazaqstan Prezıdenti.
Nursultan Nazarbaev jańa ataq alǵandardy taǵy da quttyqtap, olardyń Otanymyzǵa laıyqty qyzmet etetinine senim bildirdi.
Marapattalǵandar Memleket basshysynyń qolynan ataq alý úlken mártebe ári zor jaýapkershilik ekenin aıtty. Sondaı-aq Otanymyzǵa jáne Qazaqstan halqyna qyzmet etý úshin bar kúshterin jumsaıtyndaryna sendirdi.
Rásim barysynda general-leıtenant áskerı ataǵy O.Bıjanovqa berildi.
General-maıor áskerı ataǵy Q.Aqtanovqa, T.Dándibaevqa, A.Qaskeleńovke, Q.Myńjanovqa, Q.Sadyqovqa, M.Talasovqa, R.Shpekbaevqa tapsyryldy.
Avıatsııa general-maıory áskerı ataǵy D.Qosanovqa;
Ulttyq qaýipsizdik general-maıory arnaıy ataqtary A.Aqshaevqa, A.Kenjebekovke S.Qurmanalıevke, N.Majılovke, N.Nursıpatovqa;
Polıtsııa general-polkovnıgi arnaıy ataǵy Q.Qasymovqa;
Polıtsııa general-leıtenanty arnaıy ataǵy M.Demeýovke;
Polıtsııa general-maıory arnaıy ataǵy M.Ablazımovke, J.Baqtybaevqa, B.Bısenqulovqa, M.Qojaevqa, M.Urymhanovqa;
3 synypty ádilet memlekettik keńesshisi synyptyq sheni N.Ábdirovke, M.Isadılovke, Ǵ.Mırazovqa, B.Taıymbetovke, T.Táshimbaevqa, I.Tileýǵalıevke, Ǵ.Toǵyzbaevqa berildi.