«Jańa Almaty» baǵdarlamasyn damytý úshin 800 mıllıard teńge qajet

ALMATY. QazAqparat - Almaty qalasynyń ákimi Baqytjan Saǵyntaev «Jańa Almaty» baǵdarlamasy boıynsha shet aýdandardy damytýǵa 800 mıllıard teńgege jýyq qarajat qajet ekenin aıtty, dep habarlaıdy QazAqparat tilshisi.

«Almaty qalasynyń bıýdjeti jarty trıllıonnan astam teńgeni quraıdy, onyń kóp bóligi aǵymdaǵy shyǵyndarǵa, qalalyq ınfraqurylym men áleýmettik baǵdarlamalardy qarjylandyrýǵa jumsalady. 100 mıllıardtan astam teńge - bul jańa nysandardy qurýǵa nemese qoldanystaǵy nysandardy qaıta qurýǵa arnalǵan bıýdjet. Biz «Jańa Almaty» baǵdarlamasyn jasadyq, biz ony shetki dep ataımyz: Naýryzbaı, Alataý aýdandary. Osy jańa baǵdarlamany júzege asyrý úshin 5 jyl ishinde bizge shamamen 800 mıllıard teńge qajet», - dedi Baqytjan Saǵyntaev Qazaqstandyq qarjy forýmynda.

Ákimniń aıtýynsha, ınvestıtsııalar tartý jáne bıznesti belsendi damytý ákimdik úshin óte mańyzdy. Bul qala bastamalaryn iske asyrý úshin salyq ósimin qamtamasyz etetin jáne almatylyqtardyń ál-aýqatyn jaqsartýǵa múmkindik beredi. Sondaı-aq, óz kezeginde olardy ekonomıkanyń damýyna ınvestıtsııalaı alady.

«Osy oraıda, biz qalyptasý kezeńinen ótip, belsendi jumysqa kirisken AHQO-ny paıdalanýymyz kerek bul óte mańyzdy», -dep atap ótti forým jumysynda «Astana» halyqaralyq qarjy ortalyǵynyń basshysy Qaırat Kelimbetov.