Jańa «Álippe» josparǵa sáıkes óńirlerge jetkiziledi - Sholpan Karınova
Ortalyq kommýnıkatsııalar qyzmetindegi baspasóz máslıhatynda «Álippe» oqýlyǵyn jańartýǵa qatysty qansha qarajat bólingendigi jáne qaı basylymda basylyp shyǵatyndyǵy suraldy.
«Birinshiden, oqýlyq shyǵarýǵa memleket tarapynan qarajat jumsalmaıdy. Óıtkeni qazirgi kezde jalpy oqýlyq jasaý baǵyty básekelestik ortaǵa berilgen. Qazirgi kelip túsip jatqan oqýlyqtardyń barlyǵy shamamen 15 baspadan jiberiledi. «Álippege» baılanysty jasalyp jatqan jobalar bar. Sondyqtan bul turǵyda Úkimet qarajaty jumsalmaıdy», - dedi Sh. Karınova.
Sonymen qatar ol oqýlyq satyp alý máselesine toqtaldy.
«Bul bólek jaǵdaı, oqýlyq daıyndalyp bolǵannan keıin, shyǵarylǵannan soń, oqýlyqty tańdaý kezinde árbir jergilikti atqarýshy organnyń kóleminde belgilenetin josparly túrde qarajat bar. Ol bes jylda bir oqýlyqtardyń jańartylýyna qarastyrylady jáne ózgergen baǵdarlamaǵa baılanysty bolady. Osy oraıda tıisti qarajat bekitilip, jergilikti organdarda eskeriledi. Bul únemi júrgiziletin jumys, sondaı-aq «Álippe» oqýlyǵyna baılanysty jańartylady. Aldaǵy oqý jylynda «Álippeni» satyp alý jumysyn josparǵa saı jergilikti ákimdikter, bilim basqarmalary júrgizedi», - dedi vıtse-mınıstr.
Budan buryn habarlanǵandaı, «Álippeni» engizý 2021-2022 jylǵa josparlanǵan.
Bıyl tamyz aıynda QR Bilim jáne ǵylym mınıstri Ashat Aımaǵambetov ózgeristiń aıasynda mektep baǵdarlamasyna sáıkes, 1-synyptarǵa 1-2 toqsan «Álippe», 3-4 toqsan «Ana tili» engiziletinin aıtqan edi.