Jańa Alataý qalasyna ýaqytsha ákim taǵaıyndaldy

<p>QONAEV. KAZINFORM &ndash; Alataý máslıhatynyń kezekten tys ekinshi sessııasy ótti. Onyń barysynda jańa qalaǵa ýaqytsha ákim taǵaıyndaldy.</p>

Almaty oblysy ákimdiginen málim etkendeı, Alataý qalasy máslıhatynyń ekinshi kezekten tys sessııasy barysynda jańa qala ákiminiń mindetin ýaqytsha atqarýshy taǵaıyndaldy. Bul laýazymǵa Zarechnoe aýyldyq okrýginiń qazirgi basshysy Gúlbaný Nesipbaeva usynyldy.

«Kún tártibinde ákimshilik birlikti basqarý shemasyn bekitý, qalanyń jeke quramyn kelisý jáne qalanyń bas josparyn maquldaý máseleleri qarastyryldy. Alataý qalasyn damytýdyń bas jospary Úkimette bekitilip jatyr. Bas josparǵa sáıkes Almaty men Qonaev qalalary arasynda zamanaýı megapolıs paıda bolýy tıis, onda adamdardyń turýy úshin eń jaqsy jaǵdaılar jasalatyn bolady. Turǵyndardy jumys oryndarymen qamtamasyz etedi, týrısterge barynsha jaıly demalys uıymdastyrylady, balalar men jastar úshin oqý jáne odan ári damýy úshin jaǵdaı jasalady»,- dep habarlady ákimdikten.

Osy jyldyń basynda Almatydan soltústikke qaraı 47 shaqyrym jerde ornalasqan Jetigen aýyly oblystyq mańyzy bar Alataý qalasyna aınalǵan bolatyn.

Buǵan deıin jańadan qurylǵan Alataý qalasynyń damý baǵyty týraly jazǵan edik.