«Jańa adamdar» kámeletke tolmaǵandarǵa ishimdik satqan dúkende ereýil ótkizdi
Qozǵalys belsendileri «Zań» dep atalatyn azamattyq aktsııa aıasynda kámeletke tolmaǵan jastarǵa ishimdik pen shylym satatyn dúken ıelerin tártipke shaqyrǵan bolatyn. Biraq, ol úndeýden dúken ıeleri aýyz toltyryp aıtatyndaı qorytyndy shyǵarmasa kerek.
«Kúıshi Dına kóshesi, 23/1 mekenjaıynda ornalasqan «Aidyn» dúkeniniń ákimshisi 16 jastaǵy jasóspirimge 40 gradýstyq ishimdikti esh oılanbastan satty. «Jańa Adamdar» ókili dúken ıesine qateligin túzetýge múmkindik bergen. Degenmen, olardyń reaktsııasy, jumsartyp aıtqanda, óte dóreki bolǵan. Qateni moıyndaýdyń ornyna bizdiń belsendilerge judyryq ala júgirdi», - deıdi Tólebı Bıqasym.
Qozǵalys belsendileri mundaı dórekilikke «ıtalıan ereýilimen» jaýap bergen.
«Qozǵalys belsendileri bir saǵat boıy sirińke, saǵyz sııaqty eń arzan taýarlardy bir-birlep satyp alyp, kezekti qoldan uzartty. Sondaı-aq, satyp alǵan taýarynyń sapa deńgeıin rastaıtyn sertıfıkat qujattary men túbirtek talap etti. Esep aıyrysyp bolǵan soń, taǵy bir dana taýarmen kezektiń sońyna turyp, dúkenniń jumysyn baıaýlatyp otyrdyq. Osynyń saldarynan bir saǵattyń ishinde dúken kassasyna 200 teńge tústi. Osy arqyly biz dúken ıesine zańǵa nemquraıly qaraýǵa bolmaıtynyn, ol barsha qazaqstandyqqa ortaq eknen kórsetkimiz keldi», - deıdi qozǵalys belsendisi.