«Jańa adamdar» Almaty dúkenderindegi jaramsyz ónimmen kúresip jatyr

<p>ASTANA. KAZINFORM &ndash; Kez kelgen azyq-túlik dúkeninde merzimi ótken taýarlar bolatyny anyq. Ókinishke qaraı, keıbir dúken ıeleri buǵan bas qatyrmaı, sórelerge búlingen ónimder qoıylyp jatady. Bul rette, &laquo;Jańa adamdar&raquo; qozǵalysynyń belsendileri mundaı olqylyqtardyń aldyn alý maqsatynda arnaıy jobalardy júzege asyryp jatyr.</p>

Atap aıtsaq, belsendiler «Vremıa ısteklo» jobasy sheńberinde azyq-túlik dúkenderin tekserip, merzimi ótken taýarlardy anyqtaýǵa kirisken.

Jobanyń belsendi ókilderiniń biri Bekarys Shamenniń aıtýynsha, keıbir tutynýshylardyń satýshyǵa jaramsyz taýar týraly eskertýge, tipti, bul zańsyzdyq týraly tıisti organdarǵa habarlaýǵa batyly bara bermeıdi,. Al merzimi ótken taýarlar tutynýshylardyń densaýlyǵyna keri áserin tıgizýi ábden múmkin.

Foto: instagram.com/zhana.adamdar/

«Dúkenderde jaramsyz ónimge tap bolsańyz, quzyrly organdarǵa habarlańyz. «Vremıa ısteklo» jobasy dúkenderdi tekserip, qaýipti azyq-túlik ónimderiniń satylymnan alynýyn nemese joıylýyn qamtamasyz etedi. Merzimi ótken taýardyń satylýy qalypty jaǵdaıǵa aınalmasyn!» - dedi belsendi.

Foto: instagram.com/zhana.adamdar/

Belsendiler joba sheńberinde Qarasaı batyr kóshesi, 119 k1 meken-jaıynda ornalasqan «Naýryz market» dúkeninde bolyp, búlingen ónimderdi arbaǵa jınady.

Atalǵan dúkende jaramdylyq merzimi ótken taýarlardyń satylýy birinshi ret tirkelip otyrǵan joq. Alǵashqyda dúken basshylyǵy jaǵdaıdy túzetýge ýáde bergen bolatyn. Qaıta tekserý kezinde belsendiler onyń óz sózinde turmaǵanyna kóz jetkizgen. Soraqysy sol, shirigen shujyq, kógergen nan, qyshqyl sút ónimderi «Naýryz market» sórelerine qoıylǵan.

«Jańa adamdar» qozǵalysynyń belsendileri aldaǵy ýaqytta tutynýshylardyń quqyǵyn qorǵaý maqsatynda mundaı jobalar jalǵasyn tabatynyn alǵa tartyp otyr.