Jámishev: Kelesi jyly QR memlekettik mekemeleri esepti alǵash ret halyqaralyq standarttar boıynsha tapsyrady
Bul týraly búgin VI Astana ekonomıkalyq forýmy aıasynda ótip jatqan paneldik sessııa barysynda QR Qarjy mınıstri Bolat Jámishev málim etti.
«Qazaqstanda qoǵamdyq sektorǵa arnalǵan qarjylyq eseptiliktiń halyqaralyq standarttary engizilgen. Kelesi jyly bizdiń memlekettik mekemeler alǵash ret esepti halyqaralyq standarttar boıynsha tapsyratyn bolady. Bunyń barlyǵy nátıjege baǵyttalǵan bıýdjettendirý jumystarynyń zańdy jalǵasy. Nátıjege baǵyttalǵan bıýdjettendirý bizdiń elimizde birneshe jyldardan beri engizilýde. Bul úderis kezeń-kezeńimen júrip keledi», - dep atap ótti mınıstr.
Onyń aıtýynsha, standarttardy engizýde Qazaqstan úkimeti qyrýar jumystardy atqardy.
«Halyqaralyq standarttardy engizý barysynda memlekettik mekemelerdegi 15 myńǵa tarta býhgalterler qaıta oqytyldy, Qarjy mınıstrliginde aqparattyq júıeler jetildirildi. Sonymen qatar bul jumystar úlken ádistemelik jumystardy talap etti», - dedi B.Jámishev.
Vedomstvo basshysynyń atap ótkenindeı, 2017 jyly Qarjy mınıstrligi memlekettiń aktıvteri men mindettemeleriniń shoǵyrlanǵan teńgerimin usynatyn bolady.