Jámıla Baqbergenova Poddubny Wrestling League kúres lıgasy týrnırinde jeńiske jetti

ALMATY. QazAqparat – Qazaqstandyq balýan qyz Jámıla Baqbergenova Poddubny Wrestling League kúres lıgasy týrnırinde jeńiske jetti, dep habarlaıdy QazAqparat Vesti.kz saıtyna silteme jasap.

Jámıla 75 kg-ǵa deıingi salmaqta reseılik Ksenııa Býrakovany tize búktirdi, esep – 6:5.

Poddubny Wrestling League / Poddýbnyıdyń kúres lıgasy – álemniń eń myqty degen sportshylary qatysatyn jáne rekordty syılyq qory bar kásibı balýandar lıgasy. Tanymal jarysta 72 kg salmaqta Qazaqstan namysyn álem chempıonatynyń eki márte kúmis júldegeri, Azııa chempıony Jámıla Baqbergenova, 86 kg salmaqta Azııa chempıony, Qazaqstannyń 5 dúrkin chempıony, 2022 jylǵy álem chempıonatynyń qola júldegeri, Azamat Dáýletbekov pen 79 kg salmaqta Azııa chempıony Bolat Saqaev qorǵaıdy.

Týrnırde álemdik jáne qazaqstandyq eń myqty degen palýandardyń 21 beldesýi ótedi.