Jambyldyń úzdik jastary «Áýlıeata úmiti-2020» syılyǵyna ıe boldy
«Balasaǵun» kontsert zalynyń ǵımaratynda oblys ákimi Berdibek Saparbaev bilim men ǵylym, óner men kásipkerlik, mádenıet pen ádebıettiń keleshegi jolynda óz úlesterin qosyp, jetistikke jetip júrgen jalyndy jastarmen júzdesti.
«Áýlıeata úmiti-2020» oblystyq jastar syılyǵy óńir órenderiniń azamattyq jáne qoǵamdyq-saıası belsendiligin arttyrý, bilim, ǵylym, óner, mádenı, shyǵarmashylyq deńgeıiniń artýyna jáne óńirdegi jastar saıasatyndaǵy ózin-ózi basqarý júıesin qalyptastyrýǵa jaǵdaı jasaı otyryp, ártúrli salada jetistikke jetken jáne qoǵamdyq ómirde belsendi bolǵan jastardy qoldaý maqsatynda dástúrli túrde uıymdastyrylyp keledi.
Sharaǵa arnaıy qatysqan oblys basshysy Berdibek Saparbaev el senimin arqalaǵan jigerli jastarǵa keleli keńesin aıtyp, baǵyndyrar belester men alar asýlardy aıshyqtap atap ótti. Óz kezeginde jastar da oblys ákimine kókeıdegi saýaldaryn joldap, jaýaptar ala aldy. Utymdy usynystarymen bólisti.
Erkin, emen-jarqyn júzdesý barysynda barysynda «Áýlıeata úmiti-2020» oblystyq jastar syılyǵynyń jeńimpazdaryn marapattaldy. Atap aıtsaq, komıssııa sheshimi boıynsha «Úzdik jas ǵalym» nomınatsııasyn A.Jamanqul, «Úzdik jas muǵalim» nomınatsııasyn M.Rahmetqulqyzy, «Úzdik jas medıtsına mamany» nomınatsııasyn E.Tólebekov, «Úzdik jas sportshy» nomınatsııasyn E.Káribaı, «Mýzyka (Úzdik jas ánshi nemese Úzdik jas mýzykant)» nomınatsııasyn A.Esekeeva, «Teatr jáne kıno salasynyń úzdik jas akteri» nomınatsııasyn Z.Asan, «Úzdik jas jazba aqyn» nomınatsııasyn N.Qadiráli, «Úzdik jas aıtysker aqyn» nomınatsııasyn D.Apbasov, «Úzdik jas baspa jýrnalıst» nomınatsııasyn L.Nurmatova, «Úzdik jas telejýrnalıst» nomınatsııasyn Sh.Dáken, «Úzdik jas memlekettik qyzmetshi» nomınatsııasyn D.Qulybaı, «Úzdik jas quqyq qorǵaý salasynyń qyzmetkeri» nomınatsııasyn A.Mahambetova, «Qoǵamdyq qyzmettegi úzdik jas» nomınatsııasyn N.Qarabaev, «Úzdik jumysshy jas» nomınatsııasyn A.Abdeli, «Úzdik jas kásipker» nomınatsııasyn B.Kabdýllın, «Úzdik jas volonter» nomınatsııasyn B.Balǵabaı, «Úzdik jas metsenat» nomınatsııasyn A.Oljabaı ıelendi. Jeńimpazdarǵa arnaıy statýetka, dıplom jáne aqshalaı syıaqyny (150 myń teńge) óz salasynyń maıtalmandary tabystady.