Jambyldyqtar Túrkistan oblysyna azyq-túlik, kıim-keshek jiberdi

TARAZ. QazAqparat – Jambyl oblysy Túrkistan oblysynyń sý basqan aýyldaryna gýmanıtarlyq kómek jiberdi, dep habarlaıdy QazAqparat oblys ákimdiginiń resmı saıtyna silteme jasap.

Jambyl oblysynyń ákimdigi Túrkistan oblysynyń sý basqan aımaqtaryna gýmanıtarlyq kómek kórsetti. Jeksenbi, 3 mamyr kúni azyq-túlik jáne alǵashqy kezektegi qajettiligi bar taýarlar tıelgen júk kólikteri kórshi oblysqa attandy.

«Jergilikti kásipkerlerdiń qoldaýymen 30 tonna azyq-túlik ónimderi jınaldy. Onyń ishinde 10 tonna un men kúrish, 5 tonna qant, 2 tonna makaron jáne ósimdik maıy, 1 tonna qaraqumyq bar. Sonymen qatar, qıyn jaǵdaıǵa tap bolǵan otandastarymyzǵa arnalǵan gýmanıtarlyq kómekke 10 myńǵa jýyq taýarlar , atap aıtsaq aıaq-kıim, fýtbolkalar, jeıdeler, shalbarlar, balalar kıimderi, tósek-oryn jabdyqtary jáne basqa da zattar jınaldy», - dedi Jambyl oblysy ákiminiń orynbasary Nurjan Kalenderov.