Jambyldyqtar mıllard teńgeden astam memlekettik baj salyǵyn QR-kodpen tóledi

TARAZ. QazAqparat – Jambyl oblysynyń Halyqqa qyzmet kórsetý ortalyǵynda «Help desk» baǵdarlamasynyń múmkindikteri týraly, memlekettik qyzmetterdi alý úshin qandaı qosymsha qoldana alatyny týraly aıtyldy, dep habarlaıdy QazAqparat tilshisi.

«Óńirde «Azamattarǵa arnalǵan úkimet» 16 keńsesi, sonyń ishinde bir kóshi-qon jáne bir mamandandyrylǵan bólimi jumys isteıdi. 2022 jyly azamattar 992 myńnan astam qyzmet alǵan. Memlekettik qyzmet alýdy jeńildetý úshin biz kóptegen servıster men quraldardy engizdik. Sonymen qatar, halyqtyń tsıfrlyq saýattylyǵyn arttyrý boıynsha jumystar júrgizildi», - dedi Jambyl oblystyq «Azamattarǵa arnalǵan úkimet» memlekettik korporatsııasy» kommertsııalyq emes aktsıonerlik qoǵamynyń fılıal basshysy Danııar Medetbekov.

Osylaısha, HQKO qyzmetkerleri saýda ortalyqtaryna, memlekettik jáne bilim berý mekemelerine, bazarlarǵa baryp, 300 myńnan astam jambyldyq tsıfrlyq qyzmetterdi paıdalanýǵa úırendi. Ózine-ózi qyzmet kórsetý arqyly azamattar 2022 jyly mıllıonnan astam qyzmet aldy.

Ótken 2022 jyly jambyldyqtar jalpy somasy mıllıard teńgeden asatyn QR-kod arqyly 170 myń qyzmet boıynsha túrli memlekettik baj tólegen.