Jambyldyqtar balkondaryna 5 myńnan astam Qazaqstan týyn ildi

TARAZ. QazAqparat – Jambyl oblysynda turǵyndar 5 myńnan astam týdy úı balkondaryna ildi, dep habarlaıdy QazAqparat tilshisi.

Qazaqstan Respýblıkasynyń Táýelsizdik kúni Jambyl oblysynyń turǵyndary «Meniń Týym. Meniń Otanym!» aktsııasyna belsendi qoldaý bildirdi. Aımaq turǵyndary týǵan jerge degen patrıottyq sezimderin bildire otyryp, turǵyn úılerdiń balkondaryna 5 myńnan astam memlekettik Týdy ildi.

Oblys ákimdiginiń ishki saıasat basqarmasynyń málimetinshe, atalǵan aktsııaǵa óńirdegi etnomádenı birlestik ókilderi men jastar da erekshe atsalysqan. Sonymen qatar, Taraz qalasy men aýdandarda avtosherýler, fleshmobtar jáne Memlekettik Týdy qoldana otyryp, túrli patrıottyq sharalar uıymdastyrylǵan.

Jambyldyqtar barsha el turǵyndaryn mereıli merekemen áleýmettik jeli arqyly da quttyqtaýda. Olar Memlekettik Týǵa baılanysty sýretter, beınerolıkter jáne estelikterin #MenińTýymMenińOtanym! #MoıFlagMoıaRodına! #Bizdińortaqmereke #Nashobşııprazdnık heshtegterimen jarııalap, óz lebizderin jetkizýde.