Jambyldyqtar asarlatyp muqtaj aýyldastaryna 100 úı salyp berdi

TARAZ. QazAqparat – Jambyl oblysynda «Rýhanı jańǵyrý» baǵdarlamasy aıasynda qazaqtyń ejelgi asar dástúri qaıta jańǵyrtylýda, dep habarlaıdy QazAqparat tilshisi.

«Jambyldyqtar kóptegen ıgi bastamalardy batyl túrde júzege asyryp, eldiń yqylasyna bólenýde. Olardyń qatarynda «Asarlatyp úı salý» jobasy da bar. Oblys turǵyndary ata-babalarymyzdyń ejelgi dástúrin qaıta jańǵyrtyp jatyr. Janashyr azamattardyń qoldaýymen 100 muqtaj otbasy baspanaly boldy. Osynaý sharaǵa belsendi atsalysqan barlyq oblys turǵyndaryna alǵys aıtamyn. Munyń bári bizdi barshaǵa ońaı tımegen 2020 jyly odan ári jaqyndastyra túskendeı. Bul jobany bıyl da jalǵastyramyz. Asar ádisimen taǵy 100 úı salý josparlanýda», - dedi búgin halyqpen eseptik kezdesý barysynda aımaq basshysy Berdibek Saparbaev.

Aıta ketý kerek, «Asarlatyp úı salý» jobasynyń maqsaty – aýyldastarynyń ortaq kúshimen kórshilerine, múgedekterge, az qamtylǵan jáne kópbalaly otbasylarǵa turǵyn úı salyp berý.

Joba aıasynda turǵyn úıge birinshi kezekte muqtaj adamdar jergilikti aqsaqaldar keńesiniń maquldaýymen sheshiledi. Jer ýchaskesi men qurylys materıaldaryn bólýde jergilikti atqarýshy organdar da barynsha atsalysýda.