Jambyldyq volonterler jalǵyzbasty ananyń qyzyn qyrqynan shyǵaryp, saltyn ótkizip berdi

TARAZ. QazAqparat – Jambyldyq bir top erikti jas respýblıkalyq «Birgemiz» aktsııasy aıasynda jalǵyzbasty ana — Taraz qalasynyń turǵyny Gúljan Esqaraevaǵa qol ushyn sozdy, - dep habarlaıdy QazAqparat.

Gúljan búginde Marjan, Іnjý atty eki qyz tárbıelep otyrǵan jas ana. Bul ıgi sharaǵa oblys ákimdiginiń jastar saıasaty máseleleri basqarmasy jastar resýrstyq ortalyǵy uıytqy boldy.

Eriktiler Gúljanǵa qajetti azyq-túlik, kıim-keshek aparyp berip, úıiniń aýlasyn tazalaýǵa qolǵabys jasady. Sonymen qatar, olar aqyn Úmit Bıtenova men Tarazdaǵy «Aqjúnis» analar qoǵamynyń tóraıymy Janat Estaevanyń qatysýymen jas ananyń kishi qyzy Іnjýdi qyrqynan shyǵarý saltyn uıymdastyrdy. El analary búldirshinge aq batasyn berip, úlken ómirge sáttilik tiledi.

Óz kezeginde Gúljan Esqaraeva eriktiler jylynyń jyly lebin sezindirgen uıymdastyrýshylarǵa alǵysyn bildirdi.

«Jalǵyzbasty ananyń jaǵdaıy belgili ǵoı. Shynymdy aıtsam, turmystyq múmkindigim jetpeı, búldirshinimdi qyrqynan shyǵaratyn ýaqyty ótip bara jatyr edi. Búgin, mine eriktiler barlyq qajettilikterdi ózderi alyp kelip, qyzymdy qyrqynan shyǵaryp berdi. Sol úshin rızashylyǵymdy jetkizemin»,-dedi júregi eljirep.

Jambyldyq eriktilerdiń bul sekildi ıgi sharalary aldaǵy ýaqytta da jalǵasyn tappaq.