Jambyldyq tutynýshylarǵa jylý úshin 30 mln teńgeden astam qarajat qaıtarylady
Komıtettiń Jambyl oblysy boıynsha departamenti jylýmen jabdyqtaý qyzmetin kórsetetin tabıǵı monopolııalar sýbektilerimen birlesip, 2020-2021 jyldardaǵy jylytý maýsymynyń qorytyndysy boıynsha, jylýdy esepke alý aspaptary joq tutynýshylar úshin syrttaǵy aýanyń naqty temperatýrasyn eskere otyryp, jylýmen jabdyqtaý qyzmetiniń qunyn qaıta esepteý boıynsha jumys júrgizdi.
«Júrgizilgen jumystyń nátıjesinde 2020-2021 jyldardaǵy jylý berý kezeńinde tutynýshylarǵa qaıtarýǵa jatatyn soma Jambyl oblysy boıynsha 30 594 330 teńge (QQS esebimen) boldy, onyń ishinde «Tarazenergoortalyq» AQ-y 22 995 573,60 teńgeni, «Jambyl-Jylý» KMK – 3 318 389,44 teńgeni, «Jańatas-Sý-Jylý» MKK – 1 525 520,43 teńgeni, «Igilik» KMK – 945 915,22 teńgeni, «Shý-Jylý» KMK – 1 380 055,87 teńgeni, «Qordaı aýdany ákimdiginiń turǵyn úı-kommýnaldyq ShJK» KMK – 18 162,69 teńgeni, «Qulan-Energo-Jylý» KMK – 296 913,13 teńgeni, «Sofııa» JShS – 113 800,18 teńgeni qaıtarady», delingen habarlamada.
Vedomstvonyń málimetinshe, bul tutynýshynyń turǵyn úı alańyna baılanysty «qaıta esepteý» degen sózdi kórsete otyryp, esepke alý aspaptary joq tutynýshylarǵa 2021-2022 jyldarǵa arnalǵan esep aıyrysý kezinde tólem qujatynda kórsetiledi.
2020 - 2021 jyldarmen salystyrǵanda, syrtqy temperatýranyń joǵary bolýy nátıjesinde qaıta esepteý somasy 43 108 930 teńge bolǵan.
Sonymen qatar, barlyq tutynýshylardyń jalpyúılik jylý esepteý aspabyn qoldanýǵa kóshý barysynda, tutynýshylar tólemderdi jylý energııasynyń naqty paıdalanǵan kólemi boıynsha júrgizedi jáne tıisinshe qaıta esepteýdi júrgizý qajettilik etpeıtinin atap kórsetý qajet.