Jambyldyq sheneýnik memleketke 51 mln teńgege jýyq shyǵyn keltirdi
Sybaılas jemqorlyqqa qarsy is-qımyl agenttigi Jambyl oblysy boıynsha departamentiniń baspasóz qyzmetiniń habarlaýynsha, Jambyl oblysy ákimdigine qarasty basqarma basshysynyń orynbasary qyzmettik ókilettigin asyra paıdalanyp, memleketke 51 mln teńge kóleminde zalal keltirgen.
«Jambyl oblysy ákimdiginiń tabıǵı resýrstar jáne tabıǵat paıdalanýdy retteý basqarmasy basshysynyń orynbasary Shırshınbaev 3,5 jylǵa bas bostandyǵynan aıyryldy. Ol «Moıynqum jáne Qordaı aýdandaryndaǵy ýran ken oryndarynyń qalpyna keltirilgen obektilerinde qorshaýdy qalpyna keltirý jáne eskertý belgilerin ornatý» obektisi boıynsha naqty oryndalmaǵan jumystar úshin oryndalǵan jumystardy qabyldaý aktisine qol qoıý arqyly laýazymdyq ókilettigin asyra paıdalandy dep kúdikke ilingen. Osylaısha ol memleketke 50 822 236 teńge kóleminde zalal keltirdi» delingen departament habarlamasynda.