Jambyldyq polıtseıler Shý turǵynan 200 kelige jýyq esirtki tárkiledi

TARAZ. QazAqparat - Jambyl oblysyndaǵy esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharalaryn júrgizý barysynda Shý aýdany Aqtóbe aýylynan 12 shaqyrym jerdegi «Baýsasyq» qumdy aımaǵynda 43 jastaǵy turǵyndy ustady, dep habarlaıdy QazAqparat.

«Kúdiktini tekserý barysynda jalpy salmaǵy 194 keli kannabıs ósimdigi, 4 keli 800 gr keptirilgen marıhýana jáne 4 gramnan astam kannabıs shaıyry tabylyp, tárkilendi. Ol óz kinásin tolyq moıyndady. Qazirgi ýaqytta Shý qalasynyń ýaqytsha ustaý ızolıatoryna qamaqqa alyndy», - dep málimdedi vedomstvodan.

Atalǵan derek boıynsha Qylmystyq kodekstiń 296-baby 4-bóligimen (asa iri mólsherde esirtki zattaryn zańsyz saqtaý) sotqa deıingi tergeý amaldary bastaldy.

Eske sala keteıik, buǵan deıin óńirde 500 myńnan astam AQSh dollaryn zańsyz áketpek bolǵan adam ustalǵanyn habarlaǵan bolatynbyz.