Jambyldyq polıtseıler ınternet alaıaqtardy qolǵa túsirdi
Oblystyq krımınaldyq polıtsııa basqarmasy qyzmetkerlerimen is-sharanyń alǵashqy úsh kúndiginde 5 alaıaqtyq deregi anyqtaldy. Bul týraly oblystyq polıtsııa departamentiniń baspasóz qyzmeti habarlady.
«Іs-shara barysynda, aqparattyq-kommýnıkatsııalyq quraldardy paıdalaný arqyly jeke málimetteri men esepshottaryn qoldana otyryp «FınKap» ınternet-qosymshasynda 39 jastaǵy Taraz qalasy turǵynynyń atyna alaıaqtyq jolmen 120 myń teńge kóleminde nesıe rásimdegen 26 jastaǵy oblys ortalyǵynyń turǵyny anyqtaldy», - delingen habarlamada.
33 jastaǵy Taraz qalasynyń turǵyny da «Tengo» ınternet-qosymshasy arqyly nesıe rásimdetemin dep 40 myń teńgege aldanyp qalǵan. Polıtsııa qyzmetkerleri atalǵan iske qatysy bar degen kúdikpen 29 jastaǵy Taraz qalasynyń turǵynyn ustady.
Sondaı-aq, polıtsııa qyzmetkerlerimen Instagram áleýmettik jelisinde oqyrman sany kóp akkaýnt paraqshasyn satamyn dep 31 jastaǵy Taraz qalasynyń turǵynynyń 40 myń teńge aqshasyn alaıaqtyq jolymen ıemdengen 22 jastaǵy jigit áshkerelendi. Joǵaryda atalǵan kúdiktilerdiń barlyǵy kinálaryn tolyq moıyndap, tárkilengen aqshalaı aıǵaq zattar ıelerine qaıtaryldy.
Qazirgi ýaqytta 3 kúdiktige qatysty QR Qylmystyq kodeksiniń 190-baby 2-bóligi 4-tarmaǵymen sotqa deıingi tergeý amaldary júrgizilýde. Jambyl oblysy Polıtsııa departamenti turǵyndarǵa asa saq bolýdy, bóten adamdarǵa senbeýdi, sheteldegi nemese basqa da belgisiz esepshottarǵa aqsha aýdarmaýdy, kommertsııalyq ınternet-saıttardyń jumys isteý merzimi men oǵan jazylǵan pikirlerdi muqııat zerdeleýdi, nesıe jáne qujattardy rásimdeý barysynda barlyq kúmán týdyratyn áreketterdi baıqaǵan jaǵdaıda birden quqyq qorǵaý organdaryna habarlasý kerektigin eskertedi.