Jambyldyq ónertapqysh ózin-ózi jóndeıtin traktor qurastyryp shyǵardy
Janbolat Ámir esimdi jas ónertapqysh sharýashylyqqa, qurylysqa qajetti ámbebap tehnıkalardy oılap taýyp, qurastyrýmen aınalysady. Búginge deıin 3 shaǵyn traktor jasap shyǵarǵan ol bıyl jer jyrtyp, shóp shaýyp, qurylysqa qajetti betondy aralastyryp, qum sala alatyn traktor jasap shyǵardy. Erekshe aıta keterligi, atalǵan traktor óziniń aqaýlaryn ózi jóndep, qaıta iske qosa alady.
«Bul meniń súıikti isim. Ynta jáne tynymsyz eńbek bolsa, oıda júrgen dúnıelerdi júzege asyrýǵa bolady. Qurastyrǵan traktorymdy aldaǵy kóktemgi dala jumystarynda synap kóremin. Bul tehnıkamen bir emes birneshe jumystardy júrgizý bolady. Muny qurastyrýǵa kóptegen jaramsyz tehnıkalardyń materıaldaryn paıdalandym. Sondaı-aq, bul traktor óz kemshiligin ózi shuǵyl rettep, jumysty úzdiksiz atqarýǵa múmkindik beredi»,-deıdi Janbolat.
Sonymen qatar, ol bul baǵyttaǵy jumystaryn jalǵastyra berýge, áli de tyń ıdeıalardy iske asyrýǵa nıetti.