Jambyldyq oqýshylar ınsýlt, ınfarktan qutqaratyn saǵat jasady

ASTANA. QazAqparat - Jambyldyq oqýshylar adam ómirin qutqaratyn saǵat jasady. «Ekinshi júrek» dep atalatyn saǵat ınsýlt, ınfarkt jáne taǵy da basqa talma aýrýlary bar naýqastarǵa arnalǵan. Ol ıesiniń júrek soǵysy men qan qysymyn baqylaýda ustap, adam ómirine qaýip tóngen jaǵdaıda belgi beredi, dep habarlaıdy QR Oqý-aǵartý mınıstrliginiń baspasóz qyzmeti.

Bul aqyldy saǵatty Daryndy balalarǵa arnalǵan oblystyq mamandandyrylǵan lıtseıdiń 9-synyp oqýshysy Dýlat Isabek pen 8-synyp oqýshysy Adııa Tursynbaı oılap tapqan.
Saǵatqa dene temperatýrasyn, qandaǵy ottegi paıyzyn, júrek qaǵysyn baqylap turý fýnktsııalar engizilgen. Sondaı-aq, ol naýqas qulap qozǵalyssyz qalǵan jaǵdaıda týysyna nemese jedel járdemge dabyl jiberedi. Eń bastysy, naýqastyń meken-jaıyn, jatqan jerin naqty kórsetedi.
«Naýqastarǵa túrli sebeptermen alǵashqy kómek ýaqytynan kesh berilip jatatyn kezder bolady. Osyndaı jaǵdaılardyń aldyn alý jáne naýqastarǵa kómektessek degen oımen alǵashqy kómektiń jedel kelýin qamtamasyz etetin saǵatty jasap shyǵardyq», - deıdi jas ónertapqysh Dýlat Isabek.

Oqýshylardyń ónertabysyn synap kórý úshin kardıolog pen patsıentterdiń portatıvti apparatpen dınamıkalyq baqylaýy júrgizildi. Dýlat pen Adııa aldaǵy ýaqytta saǵatty adamdardyń únemi taǵyp júrýine yńǵaıly etip jasaý joldaryn qarastyrýda.