Jambyldyq Myńaral balyq zaýyty ónimin Ýkraınaǵa eksporttaýda
Sonymen qatar aımaq basshysy Moıynqum aýdanyna jumys sapary barysynda kásiporyndar men áleýmettik nysandardyń birqatar jumystarymen tanysty.
Oblys basshysynyń birinshi barǵan nysany Myńaral stantsııasyndaǵy Myńaral orta mektebi boldy.
Myńaral qazaq orta mektebi paıdalanýǵa 2013 jyly berilip, qazirgi tańda 120-ǵa jýyq oqýshy bilim alýda. Pedogogtar sany 26-ny quraıtyn orta mekteptiń materıaldyq-tehnıkalyq jaǵdaıy zamanaýı ártaraptandyrylǵan, sondaı-aq mektep ǵımaraty jylytý maýsymyna tolyǵymen saı.
Óńir basshysynyń jumys sapary Myńaral stantsııasyndaǵy 5 kelýshige arnalǵan medıtsınalyq tirekpen jalǵasyp, Abaı kóshesindegi jobalyq quny 57,5 mln. teńgeni quraıtyn jol jóndeý jumystarynyń jaı-kúıimen tanysýǵa ulasty. Jol jóndeý jumystary aǵymdaǵy jyldyń sońyna deıin támamdalyp, paıdalanýǵa beriledi.
Іs-sapar barysynyń kelesi aıaldamasy Myńaral balyq zaýyty boldy. Balyqty muzdatý jáne balyqty óndeý túrimen aınalysatyn zaýyt 2014 jyly ashylyp, jylyna 1,5 myń tonna balyq óndirýge qaýqarly. 2016 jyly óndirilgen ónim kólemi - 664,0 tonnany qurasa, bıylǵy jyldyń 9 aıynda 769,0 tonna ónim óndirgen. Ónimdi ótkerý geografııasy Qazaqstan, Reseı Federatsııasymen birge Eýropaǵa deıin jalǵasady. Atalmysh zaýytta 53 adam jumys jasaıdy, olarǵa barlyq jaǵdaı jasalǵan.
Sondaı-aq aımaq basshysy K.Qasymov atyndaǵy orta mektepke toqtady. 1972 jyly paıdalanýǵa berilgen orta mektepte 480-ge jýyq oqýshy bilim nárimen sýsyndaýda. Jalpy kómirmen jylytylatyn mekteptiń jylytý maýsymyna daıyndyǵy oblys ákiminiń oń baǵasyn aldy. 2016 jyly kúrdeli jóndeýden ótken bilim ordasynda 33 ustaz eńbek etýde.
Kárim Kókirekbaev Myńaral aýylyndaǵy «Jambyl óndiristik tsement kompanııasy» jaýapkershiligi shekteýli seriktestiginińde jumys barysymen tanysty. Tsement shyǵarýmen aınalysatyn zaýyttyń jobalyq quny 34,9 mlrd. teńgeni quraıdy. Barlyǵy 233 jumysshy qyzmet etetin zaýyt jylyna keminde 1,2 mln. tonna tsement óndiredi. Sonymen birge jumysshylardyń ortasha jalaqy kórsetkishi 155 myń teńgeni quraıdy. Atalǵan zaýyt byltyrǵy jyly 1347,5 myń tonna tsement óndirse, bıylǵy jyldyń 9 aıynda 1094,9 myń tonna tsementke deıin jetken.
Aımaq basshysy Shyǵanaq aýylynda ornalasqan 40 kelýshige arnalǵan emhanany da nazardan tys qaldyrmady. 2011 jyly paıdalanýǵa berilgen emhanada 17 medıtsınalyq qyzmetker jumys jasaıdy.
Sonymen qatar, oblys ákimi bastaǵan jumys sapary Shyǵanaq aýylyndaǵy Shyǵanaq orta mektebine ulasty. Syıymdylyǵy 330 oqýshyny quraıtyn mektep 1978 jyly ashylǵan. Sondaı-aq 51 muǵalim qyzmet etetin mektepte 24 oqý kabınetteri bar. Qazirgi tańda mektep ǵımaraty qaıta jańǵyrtylyp, sport zaly kúrdeli jóndeýden ótýde.
Jolaı Shyǵanaq, Qııaqty, Hantaý stantsııalarynyń jumysymen tanysqan óńir basshysy «Orgstroı» JShS jáne «AGIG» AQ-na at basyn burdy. Granıt jáne tsement óńdeıtin kásiporyndardyń birinde 86 jumysshy qyzmet etse, birinde 281 adam jumys jasaıdy. Aǵymdaǵy jyldyń 9 aıynda «Orgstroı» JShS 8 myń kýb metr granıt óndirse, «AGIG» AQ 216,2 myń tonna tsement óndirgen. Aımaq basshysy jergilikti halyqty jumyspen qamtyp otyrǵan óndiris oryndaryna oń baǵasyn berdi.
Aıta keterligi, oblys ákimi Kárim Kókirekbaevtyń jumys sapary Shý aýdanynda jalǵasyn tabatyn bolady.