Jambyldyq 911 azamat dinı aǵymdardyń yqpalynda júr

TARAZ. QazAqparat – Búginde Jambyl oblysy boıynsha 911 azamat destrýktıvti dinı aǵymdardyń yqpalynda júr, dep habarlaıdy QazAqparat.

Jambyl oblystyq din isteri basqarmasy ıslam baǵytyndaǵy dinı birlestiktermen baılanystar jónindegi bóliminiń basshysy Erkebulan Aqbaıdyń aıtýynsha, óńirde ońaltý jumystary turaqty túrde júrgizilip keledi.

«2015 jyldan búginge deıin júrgizilgen ońaltý jumystarynyń nátıjesinde, destrýktıvti dinı baǵyttaǵy 679 azamat qoǵamǵa beıimdelse, onyń 118-ine aǵymdaǵy jyly atqarylǵan jumystardyń nátıjesinde qol jetkizildi. Onyń ishinde 11 azamat jastar sanatyna kiredi. Atalǵan jumystar Ulttyq qaýipsizdik komıtetiniń Jambyl oblysy boıynsha departamentimen birlese otyryp, elimizdiń Aqparat jáne qoǵamdyq damý mınıstrligi tarapynan usynylǵan ońaltý krıterıılerine sáıkes júrgizilýde. Aǵymdaǵy jyl ishinde teolog mamandar tarapynan túzeý mekemelerindegi 172 adammen jeke kezdesýler ótkizildi. Joǵaryda atalǵan jeke kezdesýler jyl basynda arnaıy ár sottalýshyǵa jeke bekitilgen teologııalyq ońaltýdyń jeke baǵdarlamasyna sáıkes júrgizildi», – deıdi E.Aqtaı.

Búgingi tańda óńirden 25 azamat sheteldik dinı oqý oryndarynda oqyp júr. Alaıda sol 25 azamattyń 14-i Saýd Arabııasy, Pákistan, Mysyr, Qyrǵyzstan memleketterinde kúmándi oqý oryndarynda oqyp jatqan bolsa, qalǵan 11-i Túrkııa, Mysyr memleketteriniń joǵary oqý oryndarynda bilim alýda eken.

Sondaı-aq, el ishinde joldan taıdyrýǵa úgitteıtin toptar da az emes desek, alaıda, olar­dyń deni quzyrly mekemelerdiń qu­ryǵyna ilinýde eken.

«Aǵymdaǵy jyldyń basynan beri óńirde polıtsııa qyzmetkerleri dinı baǵyttaǵy 34 ákimshilik-qu­qyq buzýshylyq fak­tilerdi anyq­taǵan. Onyń 16 deregi el aýmaǵy men shekaralas memleketter aza­mat­tarynyń ty­ıym salyn­ǵan eks­tre­mıstik sıpattaǵy áde­bıetterdi zańsyz ákelýine qa­tysty bolyp otyr. Jalpy sany 27-den asa­ ekstremıstik mazmundaǵy ki­tap tárkilenip, Ákimshilik qu­qyq buzý­shylyq qylmystyq kodek­siniń 453-baby boıynsha tyıym sa­lyn­ǵan ekstremıstik ádebıetti res­pýb­lıka aýmaǵyna ákelgeni úshin Qyrǵyz Respýb­lıkasynyń 14 azamaty jáne Reseı men Ózbekstan memleketinen 2 adam ákim­shilik jaýapkershilikke tartylǵan»,- deıdi oblystyq polıtsııa departamentiniń baspasóz qyzmeti óz málimetinde.