Jambyldaǵy vaktsına zaýyty testileý rejiminde jumys istep tur

NUR-SULTAN. QazAqparat – Jambyl oblysyndaǵy vaktsına óndirý zaýytynyń búgingi jumysy týraly Bıologııalyq qaýipsizdik problemalarynyń ǵylymı-zertteý ınstıtýtynyń bas dırektory, koronavırýsqa qarsy QazVac qazaqstandyq vaktsınanyń avtory Kúnsulý Zakarııa aıtyp berdi, dep habarlaıdy QazAqparat tilshisi.

«Zaýyt jumysyna qatysty suraq jıi qoıylady. Búginde Jambyl oblysyndaǵy vaktsına zaýytynyń testileý rejiminde jumys istep turǵanyna 2 aı boldy. Shilde de valıdatsııalyq protsester bastaldy. Ol degenimiz zaýyttyń tehnıkalyq turǵydan óndiris talaptaryna saı jumys isteýi. ıAǵnı kásiporyndaǵy barlyq qyzmet tehnıkalyq talaptarǵa saı jumys isteýi tıis. Zaýyttyń halyqaralyq sertıfıkat alýy úshin ýaqyt pen kóp eńbek talap etilip otyr. Búginde GMP ulttyq sertıfıkatyn aldyq, endi halyqaralyq sertıfıkatty alý kerek», - dedi Kúnsulý Zakarııa OKQ-de ótken baspasóz máslıhatynda.

Buǵan deıin ınstıtýt basshysy otandyq QazVac vaktsınany úsh kezeń boıynsha klınıkalyq zertteýdiń aıaqtalǵanyn málim etti.

«Búginde úshinshi kezeń boıynsha barlyq klınıkalyq zertteý aıaqtalyp, 9 shilde kúni sońǵy taldaý nátıjesi alyndy. Shildeniń sońyna deıin taldaý nátıjesi taǵy bir óńdelip, málimetterdiń statıstıkasy jasaldy. Bul jumysqa 3 myń adam qatysyp otyr. Sondaı-aq, shildeniń sońynda klınıkalyq zertteýdiń qorytyndy esebi ázirlendi. Qazirgi kúni qorytyndy esep Dárilik zattar men medıtsınalyq buıymdardy saraptaý ulttyq ortalyǵynyń saraptaýynan ótip jatyr, onyń nátıjesi áli kelgen joq. Degenmen bizdiń ázirlegen esepke qarap, alǵash otandyq vaktsınany klınıkalyq zertteý sátti júrgizildi dep aıtýǵa bolady», - degentuǵyn ol.

Odan bólek, K. Zakarııa QazVac-tyń quramy ózgeretini týraly aıtty.