Jambyldaǵy polıtsııa departamentinen urlanǵan 610 qarýdyń 206-sy ǵana tabylǵan
QR Bas prokýratýrasynyń 1 qyzmet bastyǵynyń orynbasary Eldos Qılymjanov ortalyq kommýnıkatsııalar qyzmetinde ótken brıfıngide osyndaı derek keltirdi.
«Almaty, Jambyl jáne Qyzylorda oblystarynyń Ulttyq qaýipsizdik komıteti jáne polıtsııa departamentterin, Almaty áýejaıynyń ǵımaratyn tastap ketý faktileri boıynsha jumysty jalǵastyryp jatyrmyz. Bul organdardyń basshylary kúdikti retinde tanyldy. Buǵan deıin habarlanǵandaı, Jambyl oblysy polıtsııa departamenti bastyǵynyń burynǵy orynbasary ustaldy. Ol qyzmettik qarýdy saqtaýǵa jaýapty boldy jáne qarý arsenalynyń bir bóliginiń tonalýyna jol berdi», - dedi Bas prokýratýra ókili.
Aıtýynsha, osynyń saldarynan qylmyskerlerdiń qolyna 610 qarý túsken.
«Sonyń ishinde avtomattar, tapanshalar, granatametter boldy. Qazirgi ýaqytta 206 qarý ǵana tabyldy. Qalǵandary qylmyskerlerdiń qolynda», - dedi Eldos Qılymjanov.
Shara barysynda ol arnaıy prokýrorlardyń jappaı tártipsizdikterge 12 uıymdasqan qylmystyq toptyń qatysqanyn anyqtaǵanyn málim etti.