Jambyldaǵy áskerı bólim qyzmetkeri jarylys týraly: Oq-dáriler jarylmaýy tıis edi

NUR-SULTAN. QazAqparat - 28349 áskerı bólim komandıriniń orynbasary podpolkovnık Rýslan Jylqybaev qoımadaǵy órttiń qalaı sóndirilgenin aıtty, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

– Órtengen qoımadaǵy ınjenerlik oq-dáriler tehnıkalyq sıpattamalaryna qaraı jarylmaýy tıis. Sondyqtan áskerı bólimniń órt sóndirý toby órtti oqshaýlaý týraly sheshim qabyldaǵan. Sonymen qatar, oqıǵa ornyna jol patrýldik qyzmetiniń órt sóndirý bólimderi jumyldyrylǵan.

Jarylystardyń sebepterin quramynda bilikti sarapshylary bar komıssııa anyqtaýy kerek.

Áskerı bólimniń órt sóndirý komandasy alǵashqy sátten bastap-aq órtti sóndirýge kiristi. Qalǵan jeke quram jaqyn mańdaǵy úılerdiń turǵyndaryn kóshirýge kómektesti, oqıǵa aımaǵyn qorshaýǵa, áskerı bólimniń basqa obektilerindegi kúzetti kúsheıtýge kiristi.

Bólimniń barlyq áskerı qyzmetshileri, jalpy sany 100-ge jýyq adam atalǵan oqıǵa ornyna tartyldy».-deıdi Rýslan Jylqybaev.