Jambylda jyl basynan beri úıinen ketip qalǵan 41 bala tabyldy

TARAZ. QazAqparat – Jyl basynan beri jambyldyq polıtseıler óz erkimen úıinen ketip qalǵan 40-tan astam kámeletke tolmaǵan jasóspirimdi ata-anasyna qaıtardy, dep habarlaıdy QazAqparat tilshisi.

Bul týraly polıtsııa qyzmetkerleri aıtyp berdi.

«Jyl basynan beri polıtseılerdiń atsalysýymen oblys aýmaǵynda joǵalyp ketken 41 bala tabyldy. Balalardyń úıden ketýiniń aýyr saldary bar. Qadaǵalaýsyz ómir súre otyryp, balalar qaýipke ushyraıdy jáne kóbine qylmystyq jáne azǵyndyq áreketterge tartylady. Quqyq buzýdyń aldyn alý, sondaı-aq jolyn kesý maqsatynda biz kún saıyn kámeletke tolmaǵandarmen jumys júrgizemiz», – deıdi Taraz polıtsııa basqarmasy jergilikti polıtsııa qyzmeti bóliminiń ıývenaldy polıtsııa bólimshesiniń bastyǵy Álisher Qalyshev.

Onyń aıtýynsha, b alalardy izdeýde «Lıder.kz» uıymynyń eriktileri úlken kómek kórsetedi.

«Sondyqtan balalarmen jan-jaqty, keshendi jumys júrgizý kerek dep esepteımin. Sondaı-aq ata-analardy balalarynyń bos ýaqytyn jáne qyzyǵýshylyǵyn qadaǵalaýǵa shaqyramyz. Óz erkimen úıden ketýdiń aýyr zardaptarynyń aldyn alatyn ashyq túsindirme jumystaryn júrgizý qajet « , – dep atap ótti ol.