Jambylda úzdik volonterler marapattaldy
Pandemııa kezinde barsha eriktiler, onyń ishinde jambyldyqtar da ózderin jaqsy jaǵynan kórsete aldy. Olardyń kómegin koronavırýspen aýyrǵan myńdaǵan adamdar ǵana emes, sonymen qatar, az qamtylǵan jáne muqtaj otbasylar da sezine bildi.
Belsendi eriktilerimizdiń jumysy el Prezıdenti Qasym-Jomart Toqaevtyń bastamasymen qurylǵan «Jyl volonteri» halyqaralyq syılyǵymen baǵalandy.
Bul syılyq áleýmettik jáne qoǵamdyq máselelerdi sheshýge úles qosqan volonterler men volonter toptaryn, volonterlik uıymdardy kótermeleýge baǵyttalǵan.
Jambyldyq eriktilerge marapattardy oblys ákimi Berdibek Saparbaev tabystady. Atap aıtsaq, «Korporatıvti volonterlik kóshbasshylary» nomınatsııasyn Qazaqstan halqy óńirlik Assambleıasy janyndaǵy «Jańǵyrý joly» jastar qozǵalysynyń jetekshisi Hamıda Turdyeva jeńip aldy.
«Eriktiler qozǵalysyna qatysa otyryp, men kóptegen laıyqty adamdardy kórdim. Ortaq iske úles qosa alǵanyma óte qýanyshtymyn. Osy oraıda «Jańǵyrý joly» qozǵalysy músheleriniń jumysyn erekshe atap ótkim keledi. Birneshe jyldan beri olar tarıhı jáne mádenı oryndardy saqtaý men qalpyna keltirýge belsendi atsalysýda. Men óz jeńisimdi oblystyń barlyq eriktileriniń jeńisi dep sanaımyn», - deıdi Hamıda Týrdyeva.
Toǵyz jyldan beri eriktiler qatarynda júrgen Stanıslav Nasyrov «Beıbitshilikti, dostyq pen kelisimdi nyǵaıtýǵa qosqan úlesi úshin» nomınatsııasymen marapattaldy.
Aımaq basshysy jambyldyq eriktilerge pandemııanyń eń qıyn kezeńderindegi belsendilikteri úshin alǵys aıtty.
«El Prezıdenti Qasym-Jomart Toqaev aıtqandaı, koronavırýs jaǵdaıyn turaqtandyrýda eriktilerdiń sińirgen eńbegi zor. Biz jambyldyq eriktilerdiń eń qıyn sátterde naǵyz erlik kórsetkendiginiń kýási boldyq. olar naýqastarǵa, qarttarǵa, múmkindigi shekteýli jandarǵa, jaǵdaıy tómen jáne kópbalaly otbasylarǵa ýaqyttaryn qıyp, kúshterin sarqyp, densaýlyqtaryn qaýipke tige otyryp, aıanbaı kómektese bildi, - deı kele Berdibek Saparbaev oblys basshylyǵy atynan eriktilerge alǵys aıtty.
Qazirgi tańda oblysta alty myńǵa jýyq erikti bar.
Aımaq basshysynyń aıtýynsha, volonterlikti tek qalalar men oblys ortalyqtarynda ǵana emes, sonymen qatar barlyq aýyldarda damytý qajet.