Jambylda ustalǵandardan 84 qarý-jaraq tárkilendi

TARAZ. QazAqparat - Jambyl oblysynda jaǵdaı turaqtaldy. Ahýal jergilikti bıliktiń qurǵan jedel shtabtyń baqylaýynda.

Oblys ortalyǵy Taraz qalasynda jappaı tártipsizdik saldarynan 200-den asa quqyq qorǵaý qyzmetkeri túrli dene jaraqatyn alǵan.

​Jappaı tártipsizdikke qatysýshylardyń jalpy sany shamamen 2000 myńǵa jýyq. Bul týraly oblys ákiminiń baspasóz qyzmeti habarlady.

287 adam túrli dene jaraqatyn alyp, 42-adam aýrýhanaǵa jatqyzylǵan. Búlikke qatysýshylardyń basym bóligi 17-25 jas aralyǵyndaǵy jastar.

​Jedel operatsııalardyń nátıjesinde 295 kúdikti ustalyp, 19-y sottyń sheshimimen qamaýǵa alynyp, qylmystyq is qozǵaldy. Ustalǵandardan 84 birlik qarý-jaraq tárkilendi. Olardyń 114-ine ákimshilik is qozǵalǵan (108 tulǵa 15 táýlikke qamaqqa alynsa, 3-ine aıyppul salynyp, 3-ine eskertý berilgen).

​6 memlekettik ǵımarat (oblys ákiminiń apparaty, «Nur Otan» partııa fılıaly, Polıtsııa departamenti, qalalyq 3 polıtsııa bólimi), 149 qyzmettik avtokólik, 4 bıznes nysany zardap shekken.

​Shyǵyn mólsherin esepteý boıynsha arnaıy komıssııa quryldy.

​Aldyn-ala esepteýler boıynsha jalpy oblysqa kelgen shyǵyn kólemi shamamen 7,6 mlrd teńgeni quraıdy.

​Búgingi kúni zardap shekken ákimshilik nysandardy qalpyna keltirý jumystaryna 21 arnaıy tehnıka, 160 jumysshy tartylǵan. Jumystar aǵymdaǵy jyldyń aqpan aıynyń sońyna deıin tolyǵymen aıaqtalady dep kózdelýde.