Jambylda tabıǵı sıpattaǵy tótenshe jaǵdaı: Jedel shtab quryldy

ASTANA. QazAqparat – Jambyl oblysynyń Sarysý aýdanynda tabıǵı sıpattaǵy tótenshe jaǵdaı jarııalandy. Bul týraly QazAqparat ákimdikke silteme jasap habarlaıdy.

«Sarysý aýdanynyń Jańatas qalasynda jeldiń ekpini 30 m/s deıin jetýde.Daýyl saldarynan Jańatas qalasyndaǵy shamamen 20 elektr baǵanasy qulaǵan. Jeldiń joǵary jyldamdyǵy olardy qalypqa keltirý múmkindik bermeı otyr. Baǵanalardyń qulaýyna baılanysty «JES» AQ elektr jelileri tıisti kerneýdi tarata almaýda. «Shahan» qosalqy stantsııasynda tıisti qondyrǵynyń salqyndaýy oryn aldy. Soǵan sáıkes, jylýmen jabdyqtaý júıesinen sýdy aǵyzý týraly sheshim qabyldandy. Sarysý aýdany ákiminiń ókimimen aýdan aýmaǵynda tabıǵı sıpattaǵy tótenshe jaǵdaı jarııalandy», - delingen habarlamada.

Aýdandaǵy 3 mektepte jylytý pýnkteri daıyndaldy. Aýyz sý keste boıynsha berilýde.

Sonymen qatar Jambyl oblysynyń ákimi Nurjan Nurjigitovtiń tapsyrmasymen aýa raıynyń qolaısyzdyǵyna baılanysty jedel shtab qurylyp, jumys isteýde. Jumys tobyna jergilikti bılik, tótenshe jaǵdaı qyzmeti, energetıka jáne ózge de sala mamandary endi.