Jambylda mádenıet men dástúrdiń ınteraktıvti kartasy jasalmaq

TARAZ. QazAqparat - Búgin oblys ákimi Kárim Kókirekbaev etnomádenı birlestik ókilderimen kezdesti, dep habarlaıdy «QazAqparat» HAA tilshisi.

Ákimdikte ótken jıynǵa  oblystaǵy  QHA sekretarıatynyń jáne «Qoǵamdyq kelisim» QMK qyzmetkerleri, etnobirlestikterdiń ókilderi men BAQ qatysty. Kezdesýde oblys ákimi birlestik tóraǵalaryna granttar tapsyrdy. Bul shara jyl saıyn dástúrli túrde ótip keledi.

«Elbasy Nursultan Nazarbaevtyń qoǵamdyq kelisim men jalpyulttyq birliktiń ozyq úlgisin barsha álem moıyndady. Elordamyz álemde beıbitshilik ornatý jolyndaǵy kelisim alańy retinde taǵy da tanyldy.  Memleket basshysynyń bıylǵy sapary barysynda 80-nen astam etnos ókili mekendeıtin aımaqtaǵy kelisim men birlik jarasymy taǵy da pash etildi», - dedi Kárim Kókirekbaev.

Ákim sonymen birge, Elbasy tapsyrǵan naqty jobalardy iske asyrýda Asambleıanyń mańyzdy ról atqaryp otyrǵandyǵyn jetkizdi. Olardyń qataryna «Týǵan jer», «Qazaqstandaǵy 100 jańa esim», sııaqty birneshe jobalar kiredi.

Jergilikti QHA tarapynan Jambyl oblysynyń mádenıeti men dástúriniń ınteraktıvti kartasyn jasaý  jáne entsıklopedııalar serııasyn daıyndaý týraly usynystar jasaldy

«Tildik reformalardy alǵa ilgerletýde bizdiń etnomádenı birlestikter alda bolýy kerek dep oılaımyn. Biz óz kezegimizde etnomádenı  birlestikter oblystyń qoǵamdyq-saıası ómirine belsendi túrde aralasý úshin barlyq múmkindikterdi jasap kelemiz. Atalǵan  birlestikterdiń óńirdegi birlik pen kelisimdi nyǵaıtýǵa qosqan úlesi zor»,- dedi oblys ákimi.

Jıynda metsenattar jasaǵan ıgi ister de ataldy. Oblystyq máslıhatttyń depýtaty  ıÝrıı Mınakov «Jomart jan» tós belgisimen marapattaldy.

Jambyl oblysy ákiminiń baspasóz máslıhaty taratqan aqparatqa súıensek,  qoǵamdyq ómirge belsene aralasqany jáne tatýlyq pen kelisimdi nyǵaıtýǵa qosqan úlesteri úshin QHA múshesi Meırambek Tólepbergen men «Nasımı» Ázerbaıjan mádenı ortalyǵynyń jetekshisi Gúlhaným Muhametjanova «Birlik» altyn medaldarymen marapattaldy. Etnomádenı  birlestikterdiń ókilderi men jetekshilerine alǵys hattar taratyldy, sonymen birge Jambyl oblysy ákiminiń granty tapsyryldy.

«Búgin Jambyl óńirinde  80-nen astam túrli ulttar men ulystardyń ókilderi tatýlyqta ómir súrip keledi. Olar eldegi tynyshtyq pen turaqtylyqty saqtaýǵa óz úlesterin qosyp, eńbek jolynda eren úlgi bolýda. Otanǵa degen mahabbat osyndaıdan kórinedi»,- dep túıdi óz sózin aımaq basshysy.

Jambyl oblysyndaǵy QHA 1995 jyly qurylyp, bir shańyraqtyń astyna 25 etnomádenı birlestikti jınap otyr. Aýdandardy 73 birlestik jumys istep tur.