Jambylda latyn álipbıin úıretetin onlaın baǵdarlama iske qosyldy
Jıynǵa oblys ákimdiginiń tilderdi damytý basqarmasynyń basshysy Sulýshash Qurmanbekova, M.H.Dýlatı atyndaǵy TarMÝ birinshi prorektory Asqar Abdýaly men fılologııa jáne jýrnalıstıka kafedrasynyń dotsenti, fılologııa ǵylymdarynyń kandıdaty Kúlzınat Qarymbaeva qatysty.
Spıkerlerdiń aıtýynsha, Qazalipbi.kz onlaın baǵdarlamasyn oblys ákimdiginiń tilderdi damytý basqarmasynyń tapsyrysymen M.H.Dýlatı atyndaǵy TarMÝ-niń janynan qurylǵan «Ýnıversıtettik tehnologııalyq bıznes-ınkýbator» korporatıvtik qory ázirlegen. Ol 2018 jyldyń 19 aqpanynda QR Prezıdentiniń Jarlyǵymen bekitilgen latyn grafıkasyna negizdelgen qazaq tili álipbıin jańa zaman talabyna saı ınternet-tehnologııalar múmkindikterin paıdalana otyryp, jazýdy meńgertý, oqylýda kózshalym men qoldaǵdysyn onlaın-kýrs, ıaǵnı, qazalipbi.kz arqyly úıretý maqsatynda daıyndalǵan. Android operatsııalyq júıesine ornatylǵan qosymsha kómegimen álipbıdi ońtaıly ári jeńil ádispen meńgerýge bolady. Atalǵan baǵdarlama barlyq deńgeıdegi bilim berý uıymdarynyń mamandary men jalpy kópshilikke arnalǵan.
«Jobanyń ereksheligi - jańa qazaq tili álipbıin úırený qoljetimdi ári yńǵaıly bolýynda. «Jańa qazaq tili álipbıin úıretýdiń onlaın kýrsy» 18 sabaqtan turady. Onyń ishinde teorııalyq, praktıkalyq, baǵalaý sabaqtary qamtylǵan. Teorııalyq sabaqta jańa qazaq álipbıi boıynsha teorııalyq bilim beriledi. Al praktıkalyq sabaqta berilgen teorııalyq bilim negizinde jazylym, oqylym, tyńdalym árketteri arqyly jattyǵý jumystary júrgiziledi», - deıdi obylstyq tilderdi damytý basqarmasynyń basshysy Sulýshash Qurmanbekova.
Spıkerlerdiń sózinshe, baǵalaý sabaǵynda tyńdaýshynyń ár sabaqta meńgerilgen bilimi test, baqylaý dıktanty túrlerinde tekseriledi. Jıynǵa qatysýshylar latyn álipbıine kóshý - álemdik órkenıet jetistikterine baǵyttalǵan strategııalyq mańyzy zor úrdis jáne ult bolyp sheshýge tıis prıntsıpti másele ekendigin atap kórsetti. Sondyqtan da, Jambyl oblysy ákimdiginiń tilderdi damytý basqarmasynyń tapsyrysymen ázirlengen QAZALIPBI.KZonlaın baǵdarlamasy - búgingi kún talabynan týyndap otyrǵan, qajettilikti óteıtin, der kezinde daıyndalǵan taptyrmas eńbek.