Jambylda Kórpe Fest jeńimpazdaryna 30 tigin mashınasy beriledi

TARAZ. QazAqparat – Taraz qalasynda «Kóne Taraz» tarıhı-etnomádenı kesheniniń kórme zalynda Jambyl oblysy ákimdiginiń qoldaýymen «Kórpe Fest» megafestıvali ótedi, dep habarlaıdy QazAqparat.

7-9 naýryz aralyǵynda ótetin kórmede áıgili etnodızaıner, «Altyn sapa» syılyǵynyń laýreaty, «Altyn orda» avtorlyq dızaın úıiniń negizin qalaýshy Yrza Tursynzada men onyń shákirtteriniń týyndylarymen tanysýǵa bolady.

Festıval Elbasynyń «Rýhanı jańǵyrý» jáne «Uly dalanyń jeti qyry» maqalalary aıasynda tól ónerdi damytý jáne ulttyq qundylyqtarymyzdy dáripteý maqsatynda uıymdastyrylyp otyr.

Sondaı-aq, festıval barysynda Yrza Tursynzadanyń «Analar amanaty» atty aqysyz trenıng-semınary uıymdastyrylmaq.

Shara jeńimpazdaryna sertıfıkat jáne 30 tigin mashınasy, eksklıýzıvti matalar syıǵa beriledi.