Jambylda kópbalaly ákeler járdemaqyny zańsyz alyp kelgen
Atalǵan buzýshylyqtardy QR Sybaılas jemqorlyqqa qarsy is-qımyl agenttiginiń Jambyl oblysy boıynsha departamenti anyqtaǵan. Bul týraly departament basshysynyń birinshi orynbasary Ravıl Tólebaev «Antikor» ortalyǵynda ótken brıfıngte aıtty.
Spıkerdiń aıtýynsha, kópbalaly otbasyna járdemaqy taǵaıyndaý kezinde otbasy quramynda tiri týǵan, asyrap alynǵan, sondaı-aq qamqorlyqqa alynǵan balalar, eger olar basqa ata-anasynyń otbasynda eskerilmegen bolsa, jıyntyq balalar eskeriledi.
Óz kezeginde atalǵan qaǵıdanyń 9-tarmaǵyna sáıkes, ótinish berýshi birge turatyn balalardyń kópbalaly otbasyna járdemaqy taǵaıyndaý týraly ótinishte kórsete otyryp, balalardyń birlesken turǵylyqty mekenjaıyn rastaıdy.
Bul rette QR Azamattyq kodeksiniń 16-babyna sáıkes on tórt jasqa tolmaǵan balalardyń zańdy ókilderiniń turatyn jeri olardyń turǵylyqty jeri bolyp tanylady.
«Erli-zaıyptylar arasynda neke buzylǵan jaǵdaıda ata-ananyń bireýimen balalardyń birge turýy sot sheshimimen rastalady. Alaıda, birneshe járdemaqy alatyn azamat ótinishinde balalary birge turady dep kórsetkenimen, sot sheshimimen olardyń sheshesimen turatyny belgili bolǵan»,-deıdi R. Tólebaev.
«Azamattarǵa arnalǵan úkimetten» kópbalaly otbasylarǵa beriletin járdemaqynyń ata-analar arasynan tek ákesi tarapynan ótinish bildirgender týraly aqparat suratylyp, ol tizim boıynsha qalalyq sot sheshimimen sáıkestendirilip, qaraldy.
«Bas tartylǵan qalǵan ister boıynsha járdemaqy alýshylar artyq tólengen somany erikti túrde qaıtarýǵa mindettenip otyr. Zertteý barysynda 27 tólem alýshy boıynsha 14 337 143 teńge artyq tólemdi qurady. Artyq tólengen somadan 150 000 myń teńge respýblıkalyq bıýdjetke qaıtaryldy. Kópbalaly otbasylar, ádette, az qamtylǵandyqtan, aqshalaı qarajatty qaıtarýdy olar birtindep júrgiziledi. Sondaı-aq, taǵy 38 tólem alýshy boıynsha tıisti jumys júrgizilip jatyr. Al 18 tólem alýshy aı saıyn járdemaqyny alý úshin, ótinimderinde durys emes aqparat engizý arqyly birge turatyn balalar sanyn kóbeıtken. Atalǵan azamattardyń is-áreketinde alaıaqtyq belgileriniń baıqalýyna baılanysty sheshim qabyldaý úshin polıtsııa departamentine joldandy», — deıdi departamenttiń basqarma basshysy Dáýren Omarov.
Járdemaqynyń zańsyz taǵaıyndalýyna ákep soqqan basty faktordyń biri - kórsetiletin qyzmet standartynda Azamattarǵa arnalǵan úkimet qyzmetkerleriniń qujat qabyldaý kezinde sot sheshimin talap etý quqyǵynyń bolmaýy.
Eńbek, áleýmettik qorǵaý jáne kóshi-qon komıtetiniń Jambyl oblysy boıynsha departamentiniń aqparatyna sáıkes qazirgi tańda 124 adamnyń ishinen 59 otbasy járdemaqyny zańǵa sáıkes alyp otyr.
«27 is ótinish berýshiniń birge turatyny týraly jalǵan málimet usynýyna baılanysty bas tartyldy. Onyń ishinde 2 tólem alýshy boıynsha ákesimen birge turmaıtyn balalardy esepke almaı, járdemaqy mólsherin azaıtý jaǵyna qaraı qaıta esepteý týraly sheshim bekitildi», — dedi Eńbek, áleýmettik qorǵaý jáne kóshi-qon komıtetiniń Jambyl oblysy boıynsha departamenti basshysynyń m.a. Raıhan Nazarova.