Jambylda qańtar oqıǵasynan keıin kóz jumǵan jasóspirimge úkim shyqty

TARAZ. QazAqparat - Jambyl oblysynyń kámeletke tolmaǵandar isteri jónindegi mamandandyrylǵan aýdanaralyq sotynda jappaı tártipsizdikke qatysty dep aıyptalǵan O-ǵa qatysty qylmystyq is qaraldy, dep habarlaıdy QazAqparat.

Qańtardyń 5-inen 6-syna qaraǵan túni sottalýshy O. (marqum) Taraz qalasynda qıratý, buzý jáne qalalyq ákimdik ǵımaratynyń múlkin joıýǵa ulasqan jappaı tártipsizdikke qatysqan.

Sondaı-aq O. áskerılerdiń ákimdik ǵımaratynan ketýin talap etip, bárin birge órtep jiberemin dep qorqytqan.

O-nyń kinási is aıasyndaǵy aıǵaqtarmen dáleldendi.

Atap aıtqanda, kýálar K., A., J-nyń aıǵaqtary, sot-medıtsınalyq, sot-bıologııalyq, sot-medıtsına-krımınalıstıkalyq, sot-ballıstıkalyq saraptama qorytyndysy, sondaı-aq fotosýret boıynsha taný hattamasy men istiń basqa da materıaldary bar.

Prokýror sottalýshy O-ny qaıtys bolýyna baılanysty jaza taǵaıyndamaı, jappaı tártipsizdikke qatysqany úshin (QR QK 272-b. 2-b.) kináli dep tanýdy surady.

Sottalýshynyń ókili B. is boıynsha jınalǵan dáleldemelerge daý aıta otyryp, O-ǵa taǵylǵan aıypty moıyndamaı, isti máni boıynsha qaraýdy surady.

Sot O-nyń kinásin dáleldengen dep tanydy.

Sot úkimimen O. qaıtys bolýyna baılanysty jaza taǵaıyndalmaı, jappaı tártipsizdikke qatysqany (QR QK 272-b. 2-b.) úshin kináli dep tanyldy.

Úkim zańdy kúshine engen joq.