Jambylda ıgerilmegen egis alqaptary memleket menshigine qaıtarylyp jatyr

TARAZ. QazAqparat – Ótken jyly Jambyl oblysynda 2503 gektar ıgerilmegen egistik jerler memleket menshigine qaıtaryldy, dep habarlaıdy QazAqparat tilshisi.

Al 7197 gektar egistikti paıdalanýshylarǵa jer salyǵy on esege deıin ulǵaıtylypty. Bul týraly búgin óńirilik kommýnıkatsııalar qyzmetinde ótken brıfıngte oblystyq jer qatynastary basqarmasynyń basshysy Bahtııar Kópbosynov baıandady.

Spıkerdiń aıtýynsha, óńirde barlyq baǵyttaǵy jerlerge boljamdy kosmomonıtorıng ıaǵnı áýe arqyly baqylaý júrgizilgen.

Nátıjesinde 25 myń gektar egistik jerlerdiń ıgerýsiz qalǵany anyqtaldy.

Bul kórsetkish 2019 jylmen salystyrǵanda birshama tómendegen.

Máselen, sol jyly oblys aýdandarynda 35,5 myń gektar egistik jerler ıgerýsiz qalǵan desek, soǵan sáıkes qatań sharalar qoldanýǵa týra kelgen.

Qolǵa alǵan shuǵyl sharalardan keıin ıgerilmegen egistiktiń 2503 gektary memleket menshigine qaıtarylǵan.

Al 7197 gektar egistikti paıdalanýshylarǵa jer salyǵy on esege deıin ulǵaıtylypǵan.

«Jalpy Jambyl oblysynyń jer qory 14 427,7 myń gektardy quraıdy. Bul respýblıka aýmaǵynyń 5,3 paıyzy. Onyń ishinde eń aýqymdy alqap – aýyl sharýashylyq maqsatyndaǵy jerler. Aımaqta ıgerýsiz qalǵan alqaptardy aýyl sharýashylyq aınalymyna qaıta qosý qolǵa alynǵan. Aıtalyq, 2019 jyly 199,1 myń gektar jer qaıta qoldanýǵa berildi. Osy maqsatta ótken jyly 18 konkýrs ótse, bıyl 100 myń gektar aınalymǵa qosylady. Osy jyly oblysta 19 konkýrs ótkizilip, 117,2 myń gektar aýyl sharýashylyq jerler qaıta aınalymǵa qosylady»,- dedi basqarma basshysy.

Aıta ketý kerek, aımaqta byltyr bos jerler boıynsha 25 aýktsıon ótken. Oǵan 74 gektar jer shyǵarylyp bıýdjetke 196,4 mln kóleminde kiris kelgen.